ദുബൈ: ലോകശ്രദ്ധ പിടിച്ചു പറ്റിയ ദുബൈ എക്‌സ്‌പോ 2020 ഇന്ന് (വ്യാഴം)സമാപിക്കും. 56 രാജ്യങ്ങളില്‍ നിന്നുള്ള 400ലേറെ കലാകാരന്‍മാരും വിദഗ്ധരും പങ്കെടുക്കുന്ന അതി വിപുലമായ പരിപാടികളാണ് സമാപനത്തിന്റെ ഭാഗമായി നടക്കുന്നത്.

ഇന്ന് (വ്യാഴം)വൈകീട്ട് ആരംഭിച്ച് പുലര്‍ച്ചെ വരേ നീളുന്ന വൈവിധ്യമാര്‍ന്ന പരിപാടികള്‍ എക്‌സ്‌പോ നഗരിയില്‍ അരങ്ങേറും. 192 രാജ്യങ്ങള്‍ പങ്കെടുത്ത എക്‌സ്‌പോയിലേക്ക് ലോകത്തിന്റെ വിവിധ ഭാഗങ്ങളില്‍ നിന്നും സന്ദര്‍ശകര്‍ എത്തിയിരുന്നു. എക്‌സ്‌പോ നഗരി ഇനിമുതല്‍ ഡിസട്രിക്റ്റ് 2020 എന്ന പേരില്‍ അറിയപ്പെടുന്ന നഗരമാവും.