തിരുവനന്തപുരം: നടന്‍ ദുല്‍ഖര്‍ സല്‍മാന്റെ സിനിമ കമ്പനിക്കെതിരേ ഏര്‍പ്പെടുത്തിയ വിലക്ക് കേരളത്തിലെ സംയുക്ത സംഘടനയായ ഫിയോക്ക് പിന്‍വലിച്ചു.

പ്രത്യേക സാഹചര്യത്തിലാണ് തന്റെ സിനിമ 'സല്യൂട്ട്' ഒടിടിക്ക് നല്‍കിയതെന്നായിരുന്നു ദുല്‍ഖ4 അറിയിച്ചത്. വിശദീകരണം തൃപ്!തികരമെന്ന് ഫിയോക് വിലയിരുത്തി. തിയറ്റര്‍ റിലീസ് തന്നെ ആകും തുടര്‍ന്നുള്ള ചിത്രങ്ങള്‍ എന്ന് ദുല്‍ഖറിന്റെ നിര്‍മ്മാണ കമ്പനി അറിയിച്ചു.

കഴിഞ്ഞയാഴ്ചയാണ് ഫിയോക് ദുല്‍ഖറിന്റെ സിനിമകളുമായി സഹകരിക്കില്ലെന്ന് അറിയിച്ചത്. സല്യൂട്ട് ഒടിടി റിലീസ് ചെയ്യാനുള്ള തീരുമാനത്തെ തുടര്‍ന്നായിരുന്നു നടപടി. സ്‌ല്യൂട്ട് തിയറ്ററുകളില്‍ റിലീസ് ചെയ്യാന്‍ കരാര്‍ ഒപ്പിട്ടിരുന്നുവെന്നായിരുന്നു ഫിയോകിന്റെ വാദം.