വാഷിങ്ടണ്‍: ഉക്രൈന്‍ സന്ദര്‍ശനം സജീവ പരിഗണനയിലാണെന്ന് ഫ്രാന്‍സിസ് മാര്‍പ്പാപ്പ. യാത്രയുടെ കൂടുതല്‍ വിശദാംശങ്ങള്‍ മാര്‍പ്പാപ്പ പുറത്തുവിട്ടിട്ടില്ല.

മാള്‍ട്ട സന്ദര്‍ശനത്തിനിടെയാണ് മാര്‍പ്പാപ്പ ഉക്രൈന്‍ സന്ദര്‍ശിച്ചേക്കുമെന്ന സൂചന നല്‍കിയത്. യൂറോപ്പിലെ അഭയാര്‍ഥി പ്രശ്നങ്ങള്‍ ഉള്‍പ്പെടെയുള്ളവയാണ് മാര്‍പ്പാപ്പയുടെ മാള്‍ട്ട സന്ദര്‍ശനത്തിന്റെ ലക്ഷ്യം. 2020 മെയ് മാസത്തിലാണ് മാര്‍പ്പാപ്പ മാള്‍ട്ട സന്ദര്‍ശനം പദ്ധതിയിട്ടിരുന്നത്. പിന്നീട് കൊവിഡ് വ്യാപന പശ്ചാത്തലത്തില്‍ ഈ യാത്ര നീണ്ടുപോകുകയായിരുന്നു.

ഉക്രൈന്‍- റഷ്യ യുദ്ധത്തില്‍ സമാധാന സന്ദേശവുമായി ഫ്രാന്‍സിസ് മാര്‍പാപ്പ രംഗത്തെത്തിയിരുന്നു. രാഷ്ട്രീയത്തിന്റെയും മനുഷ്യത്വത്തിന്റെ പരാജയമാണ് യുദ്ധമെന്ന് ഫ്രാന്‍സിസ് മാര്‍പാപ്പ പ്രസ്താവിച്ചിരുന്നു.