ഷൊര്‍ണൂര്‍: സ്വകാര്യ ആയുര്‍വേദിക് മെഡിക്കല്‍ പ്രാക്ടീഷനേഴ്‌സ് അസോസിയേഷന്റെ ആറാം സംസ്ഥാനസമ്മേളനം നാളെ ഷൊര്‍ണൂരില്‍ നടക്കുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു. കുളപ്പുള്ളി സമുദ്ര റീജന്‍സിയില്‍ വെച്ചു നടക്കുന്ന സമ്മേളനം പത്മശ്രീ ഡോ. പി.ആര്‍ കൃഷ്ണകുമാര്‍ ഉദ്ഘാടനം ചെയ്യും.
ആയുര്‍വേദ ഡോക്ടര്‍മാരുടെ ചികിത്സ നൈപുണ്യവും നിലവാരവും ഉയര്‍ത്തുക എന്ന ഉദ്വേഗത്തോടുകൂടി മേഖലയില്‍ വ്യക്തിമുദ്ര പതിപ്പിച്ച വിദഗ്ധ ഡോക്ടര്‍മാര്‍ വിവിധ വിഷയങ്ങളില്‍ ക്ലാസെടുക്കും. ഞെരളത്ത് ഹരിഗോവിന്ദന്റെ സോപാനത്തോടെ ഉദ്ഘാടന സമ്മേളനം ആരംഭിക്കും. തുടര്‍ന്ന് സംഘടന സമ്മേളനം, ശാസ്ത്രസെമിനാറും ഉണ്ടായിരിക്കും.
ആയുര്‍വേദ രംഗത്ത് സമഗ്ര സംഭാവന ചെയ്ത ഡോ. ഡി. രാമനാഥനെ യോഗം അനുമോദിക്കും. കോഴിക്കോട് ഡോ. സേതുലക്ഷ്മി സ്മാരക അവാര്‍ഡ് അദ്ദേഹത്തിന് സമ്മാനിക്കും.