കര്‍ണാടക: ഉഡുപ്പി സെന്റ് മേരിസ് ദ്വീപില്‍ വിനോദ സഞ്ചാരത്തിനുപോയ മൂന്ന് മലയാളി വിദ്യാര്‍ഥികള്‍ കടലില്‍ മുങ്ങിമരിച്ചു. കോട്ടയം ഏറ്റുമാനൂര്‍ മംഗളം എന്‍ജിനീയറിങ് കോളജിലെ അവസാന വര്‍ഷ കംപ്യൂട്ടര്‍ സയന്‍സ് വിദ്യാര്‍ഥികളാണ് മരിച്ചത്.

ഇന്നലെയാണ് 100 അംഗ സംഘം വിനോദസഞ്ചാരത്തിനായി കോട്ടയത്തുനിന്ന് തിരിച്ചത്. കുഴിമറ്റം ചേപ്പാട്ടു പറമ്പില്‍ അമല്‍ സി അനില്‍, പാമ്പാടി വെള്ളൂര്‍ എല്ലിമുള്ളില്‍ അലന്‍ റജി, ഉദയംപേരൂരിലെ ചിറമേല്‍ ആന്റണി ഷിനോയി എന്നിവരാണ് മരിച്ചത്.