തിരുവനന്തപുരം: സി.പി.എം പാര്‍ട്ടി കോണ്‍ഗ്രസിന്റെ ഭാഗമായി നടക്കുന്ന സെമിനാറില്‍ പങ്കെടുക്കാന്‍ കെ.വി തോമസ് ഇന്ന് കണ്ണൂരിലേക്ക് പുറപ്പെടും. നാളെ നടക്കുന്ന സെമിനാറില്‍ പങ്കെടുക്കാന്‍ ഉച്ചയോടെ കെ.വി തോമസ് പുറപ്പെടുമെന്നാണ് വിവരം.

നേതൃത്വത്തിന്റെ വിലക്ക് ലംഘിച്ച് സെമിനാറില്‍ പങ്കെടുക്കുന്ന കെ.വി തോമസിനെതിരായ നടപടി കെപിസിസിക്ക് തീരുമാനിക്കാമെന്ന് കോണ്‍ഗ്രസ് ഹൈക്കമാന്‍ഡ് അറിയിച്ചിരുന്നു. ഇന്നലെ വാര്‍ത്താ സമ്മേളനം വിളിച്ചാണ് കെ.വി തോമസ് സെമിനാറില്‍ പങ്കെടുക്കുമെന്ന കാര്യം അറിയിച്ചത്. കോണ്‍ഗ്രസില്‍ തനിക്ക് അപമാനമാണ് ഏല്‍ക്കേണ്ടി വന്നതെന്നും കെ.വി തോമസ് തുറന്നടിച്ചിരുന്നു.