അരീക്കോട് (മലപ്പുറം): അരീക്കോട് സ്‌പെഷല്‍ ഓപ്പറേറ്റിങ് ഗ്രൂപ്പ് ക്യാംപിലെ പൊലിസുകാരനെ കാണാതായി. വടകര സ്വദേശി പുരക്കൊഴിയില്‍ മുബഷിറിനെയാണ് (35) കാണാതായത്. മേലുദ്യോഗസ്ഥന്റെ പീഡനങ്ങള്‍ സഹിക്കവയ്യാതെയാണ് പോകുന്നതെന്ന കുറിപ്പ് സമൂഹമാധ്യമങ്ങളില്‍ പങ്കുവച്ചാണ് ഇയാള്‍ ക്യാംപില്‍ നിന്നും പോയത്.

വെള്ളിയാഴ്ച ഉച്ചക്ക് ക്യാംപിലെ എല്ലാ അംഗങ്ങളേയും വിളിച്ചുവരുത്തിയപ്പോഴാണ് മുബഷിറിനെ കാണാതായ വിവരം അറിഞ്ഞത്. വെള്ളിയാഴ്ച രാവിലെ 5.45ന് തന്നെ ഇയാള്‍ ക്യാംപില്‍നിന്ന് പുറത്തുപോയതായി അരീക്കോട് പൊലിസ് പറഞ്ഞു. സ്വന്തം ബുള്ളറ്റിലാണ് മുബഷിര്‍ ക്യാംപില്‍ നിന്ന് പുറത്തുപോയത്. ഇയാളുടെ മൊബൈല്‍ ഫോണ്‍ പ്രവര്‍ത്തിക്കുന്നില്ല.