പത്തനംതിട്ട: തിരുവല്ലയില്‍ നെല്‍കര്‍ഷകന്‍ തൂങ്ങിമരിച്ച നിലയില്‍. നിരണം സ്വദേശി രാജീവിനെയാണ് (49) നെല്‍പ്പാടത്തിന്റെ കരയില്‍ മരിച്ച നിലയില്‍ കണ്ടെത്തിയത്. രാജീവ് കൃഷി ആവശ്യങ്ങള്‍ക്ക് ബാങ്കില്‍ നിന്നും വായ്പ എടുത്തിരുന്നു. കൃഷി നഷ്ടമായതിനെ തുടര്‍ന്ന് കട ബാധ്യത ഉണ്ടായിരുന്നതായി ബന്ധുക്കള്‍ പറഞ്ഞു. കഴിഞ്ഞ തവണയും നെല്‍കൃഷി നഷ്ടത്തിലായിരുന്നു. ഇത്തവണ വേനല്‍മഴയില്‍ എട്ട് ഏക്കര്‍ കൃഷി നശിച്ചു.