പയ്യന്നൂര്‍:  സേവനവീഥിയില്‍ വിശ്രമമില്ലാതെ ഓടിനടന്ന രാമന്തളിയുടെ ജസീമിന് നാടിന്റെ  കണ്ണീരില്‍ കുതിര്‍ന്ന യാത്രാമൊഴി. എസ്.കെ.എസ്.എസ്.എഫിന്റെയും യൂത്ത് ലീഗിന്റെയും സജീവ പ്രവര്‍ത്തകനായ ജസീം വെള്ളിയാഴ്ച വൈകിട്ടോടെയാണ് മരണമടഞ്ഞത്. ഇന്നലെ രാവിലെ ആറു മണിയോടെ വീട്ടില്‍ എത്തിച്ച മൃതദേഹത്തിന് നൂറ് കണക്കിനാളുകളാണ് അന്തിമോപചരമര്‍പ്പിക്കാനെത്തി. ഒന്‍പതു മണിയോടെ രാമന്തളി ജുമാമസ്ജിദില്‍ നടന്ന മയ്യിത്ത് നമസ്‌കാരത്തില്‍ നിരവധി പേര്‍ പങ്കെടുത്തു. പാണക്കാട് സയ്യിദ് സ്വാദിഖലി ശിഹാബ് തങ്ങള്‍, എസ്.കെ.എസ്.എസ്.എഫ് ജില്ലാ പ്രസിഡണ്ട് ബഷീര്‍ അസ്അദി, മഹ്‌റൂഫ് മാസ്റ്റര്‍, ആര്‍.വി.അബൂബക്കര്‍ യമാനി, എസ്.കെ ഹംസ ഹാജി, കെ.ടി സഹദുള്ള, പി.എം അബ്ദുല്ലത്തീഫ്, കെ.കെ അശ്‌റഫ്, എസ്.എ ശുക്കൂര്‍ ഹാജി  വസതി സന്ദര്‍ശിച്ചു.