തിരുവനന്തപുരം: കൊവിഡ് അതിരൂക്ഷമായി തുടരുമ്പോഴും സംസ്ഥാനത്ത് മാസ്‌ക് ധരിക്കാതെ പുറത്തിറങ്ങുന്നവരുടെ എണ്ണത്തില്‍ വന്‍ വര്‍ധന. മാസ്‌ക് ധരിക്കാതെയും മാസ്‌ക് കൃത്യമായി ധരിക്കാതെയും പുറത്തിറങ്ങിയ 1,58,716 പേരെയാണ് കഴിഞ്ഞ ഒരാഴ്ചയ്ക്കിടെ പൊലിസ് പിടികൂടിയത്.

സംസ്ഥാനത്തെ കൊവിഡ് കേസുകളുടെ ഏറ്റവും ഉയര്‍ന്ന പ്രതിദിന വര്‍ധന റിപ്പോര്‍ട്ട് ചെയ്യപ്പെട്ട ചൊവ്വാഴ്ച മാത്രം 20,214 പേരെയാണ് മാസ്‌ക് ധരിക്കാത്തതിന് പൊലിസ് പിടികൂടിയത്. വിവിധ നിയന്ത്രണങ്ങള്‍ ലംഘിച്ചതിന് ചൊവ്വാഴ്ച മാത്രം 55,63,600 രൂപ പിഴയും ഈടാക്കി.