പാലക്കാട്: തീവ്ര സ്വഭാവമുള്ള സംഘങ്ങളെ ഒറ്റപ്പെടുത്തണമെന്ന് സ്പീക്കര്‍ എം.ബി രാജേഷ്. പാലക്കാട് കൊലപാതകങ്ങളിലാണ് അദ്ദേഹത്തിന്റെ പ്രതികരണം. നേരത്തെ തീരുമാനിച്ച പ്രകാരമാണ് കൊലപാതങ്ങള്‍ നടന്നത്. സാധാരണ രാഷ്ട്രീയ കൊലപാതകങ്ങളോ ക്രിമിനല്‍ ആക്രമണമോ മാത്രമല്ല. സംസ്ഥാനത്ത് മുഴുവന്‍ ചേരിതിരിവ് ഉണ്ടാക്കുകയാണ് ഇവരുടെ ലക്ഷ്യമെന്നും അദ്ദേഹം കൂട്ടിച്ചേര്‍ത്തു.

കഴിഞ്ഞ ദിവസങ്ങളിലായി രണ്ട് കൊലപാതകങ്ങളാണ് പാലക്കാട് ജില്ലയില്‍ നടന്നത്. ആദ്യം പോപ്പുലര്‍ ഫ്രണ്ട് പ്രവര്‍ത്തകന്‍ സുബൈര്‍ കൊല്ലപ്പെട്ടു. വെള്ളിയാഴ്ച ജുമുഅ നിസ്‌ക്കാരം കഴിഞ്ഞു വരുന്നതിനിടെയാണ് രണ്ട് കാറുകളിലായെത്തിയ സംഘം സുബൈറിനെ വെട്ടിയത്. ബൈക്കില്‍ കൂടെയുണ്ടായിരുന്ന പിതാവിനെ വലിച്ചിട്ടാണ് സംഘം സുബൈറിനെ വെട്ടിയത്. പിന്നാലെ ശനിയാഴ്ച ആര്‍.എസ്.എസ് നേതവ് ശ്രീനിവാസന്‍ കൊല്ലപ്പെട്ടു. രണ്ട് ബൈക്കുകളിലായെത്തിയ അഞ്ചംഗ സംഘം അദ്ദേഹത്തെ കടക്കുള്ളില്‍ കയറി വെട്ടുകയായിരുന്നു.