ബംഗളുരു: കര്‍ണാടക മുനിസിപ്പല്‍ കോര്‍പ്പറേഷന്‍ തെരഞ്ഞെടുപ്പില്‍ ബി.ജെ.പിക്ക് തിരിച്ചടി. മികച്ച നേട്ടമുണ്ടാക്കിയ കോണ്‍ഗ്രസ് 119 സീറ്റുകളാണ് സ്വന്തമാക്കിയത്. ജെ.ഡി.എസിന് 67 സീറ്റുകള്‍ ലഭിച്ചപ്പോള്‍ ബി.ജെ.പിക്ക് 56 ഇടത്ത് മാത്രമാണ് വിജയിക്കാനായത്.

പത്ത് തദ്ദേശ സ്ഥാപനങ്ങളിലേക്കാണ് 27ന് തെരഞ്ഞെടുപ്പ് നടന്നത്. ഇതില്‍ ഏഴിടത്തും കോണ്‍ഗ്രസ് ജയിച്ചു. ജെ.ഡി.എസിന് രണ്ടിടത്തും ബി.ജെ.പിക്ക് ഒരിടത്തുമാണ് വിജയിക്കാനായത്. അത്രയൊന്നും സ്വാധീനമില്ലാതെ ബിദര്‍ നഗരസഭാ കൗണ്‍സില്‍ അടക്കം പിടിച്ചടക്കിയാണ് കോണ്‍ഗ്രസിന്റെ മികച്ച പ്രകടനം.