കൊച്ചി
തൃക്കാക്കര സ്വർണക്കടത്ത് കേസിൽ അറസ്റ്റിലായ ഷാബിൻ ഡി.വൈ.എഫ്.ഐ നേതാവെന്ന് കെ.പി.സി.സി അധ്യക്ഷൻ കെ. സുധാകരൻ.
ഷാബിൻ്റെ ഇടപെടലിൽ പിതാവും മുസ് ലിം ലീഗ് നേതാവും തൃക്കാക്കര നഗരസഭാ വൈസ് ചെയർമാനുമായ എ.എ ഇബ്രാഹിംകുട്ടിക്ക് പങ്കില്ലെന്നും സുധാകരൻ പറഞ്ഞു.
കെ.വി തോമസിനെതിരായ എ.ഐ.സി.സി നടപടിയെ സ്വാഗതം ചെയ്യുന്നു. താൻ ഭീഷണിപ്പെടുത്തിയെങ്കിൽ അതെന്താണെന്ന് തോമസ് വ്യക്തമാക്കണം. അന്തരിച്ച തൃക്കാക്കര എം.എൽ.എ പി.ടി തോമസിന്റെ ഭാര്യ ഉമ തോമസിനെ ഉപതെരഞ്ഞെടുപ്പിൽ യു.ഡി.എഫ് സ്ഥാനാർഥിയായി പരിഗണിക്കുന്നോ എന്ന ചോദ്യത്തിന് അദ്ദേഹം മറുപടി നൽകിയില്ല. ജില്ലയിലെ പ്രധാന നേതാക്കളെല്ലാം പരിഗണനാ പട്ടികയിലാണെന്നും എ.ഐ.സി.സി നേതൃത്വവുമായി ആലോചിച്ച് തീരുമാനമെടുക്കുമെന്നും അദ്ദേഹം പറഞ്ഞു.