കോട്ടയം: ജനകീയ പ്രതിരോധ യാത്രയിലെ പൊതുപരിപാടിക്കിടെ ഇറങ്ങിപോകാന്‍ ശ്രമിച്ചവരെ ശാസിച്ച് സി.പി.എം സംസ്ഥാന സെക്രട്ടറി എം.വി. ഗോവിന്ദന്‍. പ്രസംഗത്തിനിടെ ഇറങ്ങി പോകാന്‍ ശ്രമിച്ചവരോട് തിരികെ ഇരിക്കാന്‍ അദ്ദേഹം ആവശ്യപ്പെട്ടു. ശനിയാഴ്ച കോട്ടയം പാമ്പാടിയിയിലാണ് സംഭവം. 'ശ്ശ് ഹലോ, അവിടെ ഇരിക്കാന്‍ പറ. ആളെ വിളിക്കാന്‍ വന്നതാ അങ്ങോട്ട്.

ചില ആളുണ്ട്, യോഗം പൊളിക്കുന്നതെങ്ങനെ എന്ന് ഗവേഷണം നടത്തുന്നവര്‍, ഇല്ലേ. ഇത് എനിക്ക് മനസ്സിലായി, വാഹനത്തില്‍ വന്നതാകും. അവരെയും ഒപ്പം കൊണ്ടുപോകണ്ടേ. കുറച്ചാളുകള്‍ േപായിട്ടുണ്ട്. ബാക്കിയുള്ളവരെ പിടിക്കാന്‍ വന്നതാ. കാര്യം മനസ്സിലാകാഞ്ഞിട്ടല്ല. ആരെങ്കിലും ഉണ്ടെങ്കില്‍ പൊയ്‌ക്കോ' അദ്ദേഹം പറഞ്ഞു.

നേരത്തെ, തൃശൂരില്‍ വെച്ച് ജനകീയ പ്രതിരോധ യാത്രയ്ക്കിടെ എം.വി. ഗോവിന്ദന്‍ മൈക്ക് ഓപ്പറേറ്ററെ ശാസിച്ചത് വാര്‍ത്തയായിരുന്നു.