തിരുവനന്തപുരം: തൃക്കാക്കര ഉപതെരഞ്ഞെടുപ്പില്‍ യു.ഡി.എഫ് സ്ഥാനാര്‍ഥിയില്‍ ധാരണയായെന്ന് കെ.പി.സി.സി അധ്യക്ഷന്‍ കെ.സുധാകരന്‍. തര്‍ക്കങ്ങളില്ലാതെ എല്ലാവരും ഒറ്റകെട്ടായി തീരുമാനിച്ച പേരാണ് ഹൈക്കമാന്‍ഡിന് കൈമാറിയതെന്ന് നേതാക്കള്‍ പ്രതികരിച്ചു. അന്തരിച്ച പി.ടി തോമസിന്റെ ഭാര്യ ഉമയാണ് സ്ഥാനാര്‍ഥിയെന്ന സൂചനയാണ് പുറത്തുവരുന്നത്. ഔദ്യോഗിക പ്രഖ്യാപനം ഉടന്‍ തന്നെയുണ്ടാകുമെന്ന് പ്രതിപക്ഷ നേതാവ് വി.ഡി സതീശന്‍ പറഞ്ഞു.

കെപിസിസി അധ്യക്ഷൻ കെ.സുധാകരൻ, പ്രതിപക്ഷ നേതാവ് വിഡി സതീശൻ, യുഡിഎഫ് കൺവീന‍ർ എം.എം.ഹസ്സൻ, ഉമ്മൻചാണ്ടി, രമേശ് ചെന്നിത്തല എന്നിവ‍ർ പങ്കെടുത്ത യോ​ഗത്തിൽ ഉമ തോമസിൻ്റെ പേര് മാത്രമാണ് പരി​ഗണിക്കപ്പെട്ടത് എന്നാണ് വിവരം.