കോഴിക്കോട്: രാമനാട്ടുകരയില്‍ ഒരുമാസം പ്രായമുള്ള കുഞ്ഞിനെ ഉപേക്ഷിച്ച സംഭവത്തില്‍ അമ്മ കസ്റ്റഡിയില്‍. കുഞ്ഞിന്റെ അമ്മ ഫാത്തിമയെ ആണ് ഫറോക്ക് പൊലിസ് കസ്റ്റഡിയിലെടുത്തത്. രാമനാട്ടുകര വൈദ്യരങ്ങാടി സ്വദേശിയാണ് ഫാത്തിമ.

ഭര്‍ത്താവ് ഉപേക്ഷിച്ചത് കാരണം കുഞ്ഞ് ബാധ്യത ആവുമെന്ന് ഫാത്തിമ പൊലിസിനോട് പറഞ്ഞു. രാമനാട്ടുകര നീലിത്തോട് പാലത്തിന് സമീപമാണ് കുഞ്ഞിനെ കണ്ടെത്തിയത്. ഫറോക്ക് പൊലിസ് സ്ഥലത്തെത്തി കുഞ്ഞിനെ ആശുപത്രിയിലേക്ക് മാറ്റി.