മലപ്പുറം: പിന്നോക്ക -ന്യൂനപക്ഷ വിഭാഗങ്ങളുടെ നിയമപരമായ അവകാശങ്ങള്‍ വക വെച്ചു കിട്ടുന്നതിനും നീതിക്കും വേണ്ടിയുള്ള പോരാട്ടത്തില്‍ വി.ഡി സതീശന്റെ പ്രതിപക്ഷ നേതൃസ്ഥാനം ഗുണം ചെയ്യുമെന്ന് മുസ് ലിം ലീഗ് സംസ്ഥാന ജനറല്‍ സെക്രട്ടറി അഡ്വ. പി.എം.എ സലാം. വി. ഡി. സതീശന്‍ പ്രഗത്ഭനായ പാര്‍ലിമെന്റേറിയനും, ഉജ്ജല വാഗ്മിയുമാണ്. പൊതു പ്രവര്‍ത്തന രംഗത്തും പാര്‍ലിമെന്ററി രംഗത്തും അദ്ദേഹത്തിന്റെ സുദീര്‍ഘമായ പരിചയസമ്പത്ത് നിയമസഭക്കകത്തും പുറത്തും പ്രതിപക്ഷത്തിന് മുതല്‍ കൂട്ടാവും.

യു.ഡി. എഫിന് കൂടുതല്‍ കരുത്തും ഓജസ്സും നല്‍കാന്‍ സതീശന്റെ സാന്നിദ്ധ്യം ഉപകരിക്കും. ഭരണകൂടത്തിന്റെ പോരായ്മകളും , പാളിച്ചകളുംതുറന്നു കാണിക്കാനും തെറ്റുകള്‍ തിരുത്തപ്പെടാനും അദ്ദേഹത്തിന് വലിയ പങ്കു വഹിക്കാനുണ്ട്. മുസ്ലിം ലീഗ് പാര്‍ട്ടിയുടെ എല്ലാ പിന്തുണയും സഹകരണവും ഉറപ്പുനല്‍കുന്നതായുീ അഡ്വ. പി. എം എ. സലാം വാര്‍ത്താകുറിപ്പില്‍ പറഞ്ഞു.