ഹരിപ്പാട് :സൂപ്പര്‍ ഫാസ്റ്റ് സൈക്കിളില്‍ ഇടിച്ച് അന്യസംസ്ഥാന തൊഴിലാളിക്ക് ഗുരുതരമായി പരുക്കേറ്റു.
പശ്ചിമ ബംഗാള്‍ മാള്‍ ഡാ ജില്ലക്കാരനായ ജഹാംഗീര്‍ (23)നാണ് പരുക്കേറ്റത്. ഇന്നലെ വൈകുന്നേരം 6.30ന് ദേശീയ പാതയില്‍ എല്‍.ഐ.സി.ഓഫീസിന് സമീപമായിരുന്നു അപകടം.  ആലപ്പുഴ ഭാഗത്തു നിന്നും കൊല്ലത്തേക്ക് പോയ സൂപ്പര്‍ഫാസ്റ്റ് കരുവാറ്റയിലെ താമസസ്ഥലത്തേക്ക് സൈക്കിളില്‍ പോകുകയായിരുന്ന ജഹാംഗീറിനെ ഇടിച്ചു വീഴ്ത്തുകയായിരുന്നു. താലൂക്ക് ആശുപത്രിയിലും തുടര്‍ന്ന് വണ്ടാനം മെഡിക്കല്‍ കോളേജ് ആശുപത്രിയിലും പ്രവേശിപ്പിച്ചു.