തിരുവമ്പാടി: ശ്രീനാരായണ ഗുരുവിന്റെ ' നമുക്ക് ജാതിയില്ല ' വിളംബരം  100 ാം വാര്‍ഷികത്തോടനുബന്ധിച്ച് തിരുവമ്പാടിയില്‍ ഓഗസ്റ്റ്  30 ന് സംസ്‌കാരിക സംഗമം സംഘടിപ്പിക്കുന്നു. മത്തായി ചാക്കോ  സാംസ്‌കാരികകേന്ദ്രം ലൈബ്രറിയുടെ ആഭിമുഖ്യത്തില്‍ നടക്കുന്ന  സംഗമത്തിന്റെ ഭാഗമായി ഘോഷയാത്രയും പ്രഭാഷണവും നടക്കും. പുരോഗമന കലാസാഹിത്യ സംഘം സംസ്ഥാന സെക്രട്ടറി കെ. ഇ .എന്‍ കുഞ്ഞഹമ്മദ് മുഖ്യ പ്രഭാഷണംനടത്തും. സാംസ്‌കാരിക സംഗമത്തിന്റെ നടത്തിപ്പിനുവേണ്ടി ജോര്‍ജ് മാസ്റ്ററുടെ അധ്യക്ഷതയില്‍ ചേര്‍ന്നയോഗം കെ. ആര്‍. ബാബു മുഖരക്ഷാധികാരിയായി  101 അംഗ സംഘാടക സമിതി രൂപീകരിച്ചു. സൈദ്മുഹമ്മദ് കെ.സി (കണ്‍വീനര്‍), ഇ. ജനാര്‍ദ്ദനന്‍ (ചെയര്‍മാന്‍) എന്നിവരെ ഭാരവാഹികളായി തെരഞ്ഞെടുത്തു.