പാരിസ്
റാഫേൽ നദാൽ ഫ്രഞ്ച് ഓപണിന്റെ ഫൈനലിൽ പ്രവേശിച്ചു. ഇന്നലെ നടന്ന സെമി ഫൈനൽ പോരാട്ടത്തിൽ എതിരാളിയായിരുന്ന ജർമൻ താരം അല്കസാണ്ടർ സ്വരേവ് പരുക്കേറ്റ് പിൻമാറിയതോടെയാണ് നദാൽ ഫൈനലിലേക്ക് മുന്നേറിയത്. മത്സരത്തിന്റെ രണ്ടാം സെറ്റിനിടെയായിരുന്നു സ്വരേവിന്റെ കാലിന് പരുക്കേറ്റത്. പരുക്കേറ്റ സ്വരേവ് ഊന്നുവടിയുടെ സഹായത്തോടെയായിരുന്നു കളംവിട്ടത്.
ശക്തമായ പോരാട്ടം കണ്ട മത്സരത്തിൽ രണ്ട് മണിക്കൂറിന് ശേഷമായിരുന്നു സ്വരേവിന് പരുക്കേറ്റത്. ആദ്യ സെറ്റ് 7(10)-6(8) ന് സ്വന്തമാക്കിയ നദാനില് രണ്ടാം സെറ്റൽ ശക്തമായ തിരിച്ചടിയാണ് നേരിടേണ്ടി വന്നത്. സ്വരേവിന് പരുക്കേൽക്കുമ്പോൾ മത്സരം 6-6 എന്ന നിലയിലായിരുന്നു.

മത്സരം ആവേശത്തോടെ അവസാനിക്കുന്നതിനിടെയായിരുന്നു സ്വരേവ് പരുക്കേറ്റ് കളത്തിൽ വീണത്. ക്വാർട്ടറിൽ നൊവാക് ദ്യോകോവിച്ചിനെ പരാജയപ്പെടുത്തിയായിരുന്നു നദാൽ സെമിയിൽ പ്രവേശിച്ചത്. വനിതാ വിഭാഗത്തിലെ കിരീടപ്പോരാട്ടം ഇന്ന് നടക്കും. വൈകിട്ട് 6.30ന് ഇഗ സ്വയ്റ്റക്കും 18 കാരി കോകോ ഗ്വാഫും തമ്മിലാണ് കിരീടപ്പോരാട്ടം നടക്കുന്നത്.