ദോഹ: ഖത്തറിൽ ഇന്നും നാളെയുമായി ശക്തമായ കാറ്റിനും മിന്നലോടുകൂടിയ മഴയ്ക്കും സാധ്യത. കാറ്റ് ശക്തമാകുന്നതിനാൽ ദൂരക്കാഴ്ച കുറയും. പൊടിക്കാറ്റിനും സാധ്യതയുണ്ട്. തിരമാല 2 മുതൽ 5 അടി വരെയും ചില സമയം 12 അടി ഉയരും.

ഇന്ന് കാറ്റിന്റെ വേഗം മണിക്കൂറിൽ 20നും 30 നോട്ടിക്കൽ മൈലിനും ഇടയിലും ചില സമയം 40 നോട്ടിക്കൽ മൈലും ശക്തി പ്രാപിക്കുമെന്നാണ് കാലാവസ്ഥ മന്ത്രാലയത്തിന്റെ പ്രവചനം. വാരാന്ത്യത്തിൽ കൂടിയ താപനില 31 ഡിഗ്രി സെൽഷ്യസും കുറഞ്ഞത് 20 ഡിഗ്രി സെൽഷ്യസുമാണ്. ചില സമയങ്ങളിൽ ഇടിയോടു കൂടിയ മഴയും പൊടിക്കാറ്റും ഉണ്ടാകും.

ഈ ആഴ്ച ദോഹയിൽ ഉൾപ്പെടെ വടക്കൻ മേഖലകളിൽ ചിലയിടങ്ങളിൽ മഴ രേഖപ്പെടുത്തിയിരുന്നു.

കൂടുതല്‍ ഗള്‍ഫ് വാര്‍ത്തകള്‍ ലഭിക്കാന്‍ സുപ്രഭാതം വാട്‌സാപ്പ് കമ്യൂണിറ്റിയില്‍ ജോയിന്‍ ചെയ്യുക: https://chat.whatsapp.com/HVpI8bKnwZA7O8fvza77sv