പട്യാല: ഗോരക്ഷാ ദള്‍ നേതാവിനെ വിവിധ കുറ്റങ്ങളുടെ പേരില്‍ പൊലിസ് അറസ്റ്റു ചെയ്തു. പഞ്ചാബിലെ പശു സംരക്ഷണ സംഘത്തിന്റെ നേതാവ്  സതീഷ്‌കുമാറാണ് അറസ്റ്റിലായത്.
കൊലക്കുറ്റം, തട്ടിക്കൊണ്ടു പോകല്‍, മര്‍ദനം, ലൈംഗിക പീഡനം തുടങ്ങി നിരവധി വകുപ്പുകള്‍ ചേര്‍ത്താണ് പട്യാല പൊലിസ്  ഗോരക്ഷാ നേതാവിനെ അറസ്റ്റു ചെയ്തത്. സതീഷ് കുമാര്‍ തങ്ങളെ കൊള്ളയടിക്കുകയും പ്രകൃതി വിരുദ്ധ പീഡനത്തിനിരയാക്കുകയും ചെയ്‌തെന്ന് നിരവധിപേര്‍ പരാതിപ്പെട്ടിരുന്നു.
ഗോസംരക്ഷണ പ്രവര്‍ത്തകരില്‍ ഭൂരിഭാഗം  പേരും സാമൂഹ്യവിരുദ്ധ പ്രവര്‍ത്തനം നടത്തുന്നവരാണെന്ന് പ്രധാനമന്ത്രി നരേന്ദ്രമോദി  നേരത്തേ പറഞ്ഞിരുന്നു.