നടന്‍ മമ്മൂട്ടിയുടെ മാതാവ് അന്തരിച്ചു

കൊച്ചി: പ്രശസ്ത നടന്‍ മമ്മൂട്ടിയുടെ മാതാവ് ഫാത്തിമ ഇസ്മായില്‍ അന്തരിച്ചു. 93 വയസ്സായിരുന്നു. വാര്‍ധക്യ സഹജമായ അസുഖത്തെ തുടര്‍ന്ന് ചികിത്സയിലായിരുന്നു. ഇന്ന് പുലര്‍ച്ചെ കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം.

അരി, തുണി എന്നിവയുടെ മൊത്തകച്ചവടക്കാരനായിരുന്ന പരേതനായ പാണപ്പറമ്പില്‍ ഇസ്മയില്‍ ആണ് ഭര്‍ത്താവ്. ആലപ്പുഴ ജില്ലയിലെ എരമല്ലൂരിനടുത്തുള്ള ചന്തിരൂരാണ് ഇവരുടെ സ്വദേശം. മമ്മൂട്ടി മൂത്ത മകനാണ്. ചലച്ചിത്രസീരിയല്‍ നടന്‍ ഇബ്രാഹിംകുട്ടി, നിര്‍മ്മാതാവ് സക്കറിയ, ആമിന, സൗദ, ഷഫീന എന്നിവരാണ് മറ്റ് മക്കള്‍.
ദുല്‍ക്കര്‍ സല്‍മാന്‍, മക്ബൂല്‍ സല്‍മാന്‍, അഷ്‌ക്കര്‍ സൗദാന്‍ എന്നിവര്‍ കൊച്ചുമക്കളാണ്.
ഖബറടക്കം ഇന്ന് വൈകിട്ട് കോട്ടയം ജില്ലയിലെ വൈക്കത്തിനടുത്തുള്ള ചെമ്പ് മുസ്ലീം ജമാഅത്ത് പള്ളിയില്‍ വെച്ച് നടക്കും.