കോട്ടയം: വിരമിച്ച പത്രപ്രവര്‍ത്തകരുടെ പെന്‍ഷന്‍ ഉള്‍പ്പെടെയുള്ള കാര്യങ്ങളില്‍ സര്‍ക്കാര്‍ അനുഭാവപൂര്‍ണമായ നടപടികള്‍ സ്വീകരിക്കുമെന്നു മുഖ്യമന്ത്രി പിണറായി വിജയന്‍.
സീനിയര്‍ ജേണലിസ്റ്റ് ഫോറം സംസ്ഥാന സമ്മേളനത്തിന്റെ സമാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. പത്രപ്രവര്‍ത്തകരുടേതുള്‍പ്പെടെയുള്ള പെന്‍ഷനുകള്‍ വൈകി വിതരണം ചെയ്യുന്ന രീതി മാറ്റും. ഓരോ മാസവും പെന്‍ഷന്‍ ലഭിക്കുന്നതിനുള്ള നടപടികള്‍ സ്വീകരിക്കുമെന്നും അദ്ദേഹം പറഞ്ഞു. സംസ്ഥാന പ്രസിഡന്റ് ഡോ. നടുവട്ടം സത്യശീലന്‍ അധ്യക്ഷനായിരുന്നു.
സത്യശീലന്‍ നടുവട്ടം ( പ്രസിഡന്റ്), എ. മാധവന്‍ ( ജനറല്‍ സെക്രട്ടറി),  കെ.വി ഫിലിപ്പ് മാത്യു ( ട്രഷറര്‍), കെ.എം റോയി (രക്ഷാധികാരി), ഡോ. ടി.വി മുഹമ്മദാലി, വി.എം കൃഷ്ണപ്പണിക്കല്‍, വര്‍ഗീസ് കോയിപ്പള്ളി, വി. പ്രതാപചന്ദ്രന്‍ ( വൈസ് പ്രസിഡന്റുമാര്‍), പി.വി പങ്കജാക്ഷന്‍, കെ. ജനാര്‍ദനന്‍ നായര്‍, പി.പി.കെ ശങ്കര്‍, കെ.പി വിജയകുമാര്‍ ( സെക്രട്ടറിമാര്‍) എന്നിവരെ തെരഞ്ഞെടുത്തു.