റിയോ ഡി ജനീറോ:  വനിതാ വിഭാഗം 800 മീറ്ററില്‍ ദക്ഷിണാഫ്രിക്കയുടെ കാസ്റ്റര്‍ സെമന്യക്ക് സ്വര്‍ണം. 1.55.28 സെക്കന്‍ഡിലാണ് ഫിനിഷ് ചെയ്തത്. ബെറുണ്ടിയുടെ ഫ്രാന്‍സിന്‍ നിയോണ്‍സാബ വെള്ളിയും കെനിയയുടെ മാര്‍ഗരറ്റ് വാംബൂയ് വെങ്കലവും സ്വന്തമാക്കി.
അതേസമയം ഏറെ പ്രതീക്ഷ വച്ച ബ്രിട്ടന്‍രെ ലിന്‍സെ ഷാര്‍പ്പിന് ആറാമതെത്താനേ സാധിച്ചുള്ളൂ. ലണ്ടന്‍ ഒളിംപിക്‌സില്‍ ഇതേ വിഭാഗത്തില്‍ വെള്ളി നേടിയിട്ടുണ്ട് സെമന്യ. മരിയാ സാവിനോവയ്ക്കായിരുന്നു ലണ്ടനില്‍ സ്വര്‍ണം. നേരത്തെ ശരീരത്തില്‍ ഹോര്‍മോണിന്റെ വര്‍ധനവിനെ തുടര്‍ന്ന് ലിംഗ പരിശോധനയ്ക്ക് വിധേയയായ താരമാണ് സെമന്യ. 2009ലെ ലോകചാംപ്യന്‍ഷിപ്പില്‍ സ്വര്‍ണം നേടിയ താരത്തെ സ്ത്രിയായി കണക്കാനാവില്ലെന്നായിരുന്നു പരാതി. തുടര്‍ന്ന് 11 മാസത്തോളം കളത്തിന് പുറത്തായിരുന്നു സെമന്യ. പരിശോധനകളെല്ലാം ഈ ഘട്ടത്തില്‍ തിരിച്ചടിയാവുകയും ചെയ്തു. എന്നാല്‍ 2010ല്‍ താരത്തിനേര്‍പ്പെടുത്തിയ വിലക്ക് പിന്‍വലിക്കുകയായിരുന്നു.