തിരുവനന്തപുരം: ഒരു ദിവസത്തെ ഇടവേളക്ക് ശേഷം ഇന്ധന വില ഇന്നും കൂട്ടി. പെട്രോള്‍ ലിറ്ററിന് 25 പൈസയും ഡീസലിന് 27 പൈസയുമാണ് വര്‍ധിച്ചത്. 37 ദിവസത്തിനിടെ ഇത് 22ാം തവണയാണ് വില വര്‍ധിപ്പിക്കുന്നത്.

തലസ്ഥാനത്ത് നൂറു തൊടാനിരിക്കുകയാണ് പെട്രോള്‍ വില. പെട്രോള്‍ ലിറ്ററിന് 97 രൂപ 54 പൈസയും ഡിസലിന് 92.90 രൂപയുമാണ് വില. കൊച്ചിയില്‍ പെട്രോള്‍ 95.66 ഡീസല്‍ 91.14രൂപ. കോഴിക്കോട് പെട്രോള്‍ 95.95 ഡീസല്‍ 91.31 രൂപ എന്നിങ്ങനെയാണ് വില.

ആറുസംസ്ഥാനങ്ങളിലാണ് വില നൂറു കടന്നത്. രാജസ്ഥാന്‍, മധ്യപ്രദേശ്, മഹാരാഷ്ട്ര, ആന്ധ്രപ്രദേശ്, തെലങ്കാന, ലഡാക്ക് എന്നിവിടങ്ങളിലാണ് സെഞ്ച്വറിയടിച്ചത്. കേരളത്തില്‍ ഉള്‍പെടെ ചിലയിടങ്ങളില്‍ പ്രീമിയം പെട്രോള്‍ വില നൂറു കടന്നിട്ടുണ്ട്.