പറവൂര്‍: പാമ്പുകടിയേറ്റ ആളെ ആശുപത്രി അധികൃതര്‍ അവഗണിച്ചെന്നു പരാതി.
ഇന്നലെ രാത്രിയില്‍ അണലിയുടെ കടിയേറ്റ കുഞ്ഞിത്തൈ പുല്ലാര്‍കാട് ഗോപിയെയാണ് പറവൂര്‍ താലൂക്ക് ആശുപത്രിയില്‍ എത്തിച്ചപ്പോള്‍ രാത്രിയില്‍ ഡ്യുട്ടിയിലുണ്ടായിരുന്ന ഡോക്ടറും ജീവനക്കാരും പരിശോധിക്കാന്‍ വിമുഖത കാട്ടിയെന്ന് ബന്ധുക്കളുടെ പരാതി ഉയര്‍ന്നത്.
താന്‍ മാത്രമേ ആശുപത്രിയിലുള്ളതെന്നും ഇപ്പോള്‍ പരിശോധിക്കാന്‍ കഴിയില്ലെന്നുമായിരുന്നു ഡോക്ടറുടെ മറുപടി. തുടര്‍ന്ന് രോഗിയെ അങ്കമാലി ലിറ്റില്‍ ഫ്‌ളവര്‍ ആശുപത്രിയിലേക്ക് ബന്ധുക്കള്‍ കൊണ്ടുപോയി. അവിടെ നടത്തിയ പരിശോധനയിലാണ് അണലിപാമ്പ് കടിച്ചതായി സ്ഥിരീകരിച്ചത്. ഇവിടെനിന്നും വിദഗ്ധ ചികിത്സ ലഭ്യമായതോടെ ഗോപി അത്യാഹിതവിഭാഗത്തില്‍ സുഖം പ്രാപിച്ചുവരുന്നു.