8 mega sales uae residents can look forward to this year

യു.എ.ഇയില്‍ താമസിക്കുന്നവരാണോ നിങ്ങള്‍; എന്നാല്‍ ഈ എട്ട് മെഗാ സെയിലുകള്‍ മിസ്സ് ചെയ്യരുത്

യു.എ.ഇയില്‍ താമസിക്കുന്നവരെ ലക്ഷ്യമിട്ട് പല മികച്ച സെയിലുകള്‍ ഒരുങ്ങുന്നുണ്ട്. ഷോപ്പിങിന് താത്പര്യമുളളവര്‍ക്കും, പോക്കറ്റ് കാലിയാവാതെ ഗാഡ്ജറ്റുകള്‍ ഉള്‍പ്പെടെ വാങ്ങാന്‍ പദ്ധതിയിടുന്നവര്‍ക്കും മികച്ച അവസരമാണ് ഈ സെയിലുകളിലൂടെ ലഭിക്കുക.

1, 3 ദിവസത്തെ സൂപ്പര്‍ സെയില്‍

മെയ് 26 മുതല്‍ 28 വരെയാണ് ഈ സെയില്‍ നടക്കുന്നത്. മാളുകളിലും വിവിധ ബ്രാന്‍ഡുകളുടെ ഔട്ട്‌ലെറ്റുകളില്‍ നിന്നുമായി 90 ശതമാനം വരെ ഡിസ്‌കൗണ്ടിന് സാധനങ്ങള്‍ വാങ്ങാനുളള അവസരം ഈ സെയിലിലൂടെ ലഭിക്കുന്നുണ്ട്.
മാള്‍ ഓഫ് എമിറേറ്റ്‌സ്, സിറ്റി സെന്റര്‍ മിര്‍ഡിഫ്, ദുബൈ ഫെസ്റ്റിവല്‍ സിറ്റി മാള്‍, ദുബൈ ഫെസ്റ്റിവല്‍ പ്ലാസ,നക്കീല്‍ മാള്‍ മുതലായ ഇടങ്ങളില്‍ നിന്നുമൊക്കെ ഈ ഷോപ്പിങ് ദിനങ്ങളില്‍ മികച്ച ഓഫറുകളില്‍ ഷോപ്പ് ചെയ്യാന്‍ സാധിക്കും.

ഈദ് ഉല്‍ അദ്ഹ സെയിലുകള്‍
ജൂണ്‍ 27 മുതല്‍ ജൂലൈ രണ്ട് വരെയാണ് പ്രതീക്ഷിക്കപ്പെടുന്നത്. ആറ് ദിവസം വരെ നീണ്ട് നില്‍ക്കുന്ന ഈ ബലിപെരുന്നാള്‍ അവധിക്കാലത്ത് മികച്ച സെയിലുകളും ഉപഭോക്താക്കളെ കാത്തിരിപ്പുണ്ട്. ആകര്‍ഷകമായ ഡീലുകളും ഓഫറുകളും ഈ ആഘോഷനാളുകളില്‍ വന്‍കിട.ചെറുകിട കച്ചവടക്കാരില്‍ നിന്നും ഉപഭോക്താക്കള്‍ക്ക് ഓഫറുകള്‍ ലഭിക്കുന്നതാണ്.

3, ദുബൈ സമ്മര്‍ സര്‍പ്രൈസസ്
വേനല്‍ക്കാലത്ത് ദുബൈയില്‍ മികച്ച ഓഫറുകള്‍ ഉപഭോക്താക്കള്‍ക്ക് ലഭ്യമാണ്. സാധാരണഗതിയില്‍ ജൂലൈ 29 മുതല്‍ സെപ്റ്റംബര്‍ മൂന്ന് വരെയാണ് ദുബൈ സമ്മര്‍ സര്‍പ്രൈസസ് നടക്കുന്നത്. ഫണ്‍ ഇവന്റ്‌സ്, ഓഫറുകള്‍, പ്രൊമോഷനുകള്‍ തുടങ്ങി നിരവധി ആകര്‍ഷകമായ കാര്യങ്ങള്‍ ഇവിടേക്ക് ആളുകളെ ആകര്‍ഷിക്കുന്നുണ്ട്. കൂടാതെ നിരവധി സമ്മാനങ്ങള്‍ കരസ്ഥമാക്കാനുളള അവസരം ഇവിടെ നിന്നും ലഭിക്കുന്നുണ്ട്.

4, ബാക്ക് ടു സ്‌കൂള്‍ സെയില്‍
സെപ്റ്റംബറില്‍ പുതിയ അക്കാദമിക്ക് വര്‍ഷം തുടങ്ങാനിരിക്കവെയാണ് ബാക്ക് ടു സ്‌കൂള്‍ സെയിലുകള്‍ ആരംഭിക്കുന്നത്. കുട്ടികള്‍ക്ക് സ്‌കൂളിലേക്ക് ആവശ്യമായ സാധനങ്ങള്‍ മികച്ച വിലയില്‍ രക്ഷിതാക്കള്‍ക്ക് ഈ സെയില്‍ പീരീഡില്‍ സ്വന്തമാക്കാന്‍ സാധിക്കും. അത്കൂടാതെ ആഗസ്റ്റ്- സെപ്റ്റംബര്‍ മാസത്തില്‍ ടീച്ചര്‍മാര്‍ക്ക് മികച്ച ഓഫറുകള്‍ ലഭ്യമാണ്.

5, ദുബൈ ഹോം ഫെസ്റ്റിവല്‍

പുതിയ വീട് വെക്കുന്നവര്‍ക്കും, വീട്ടിലേക്ക് സാധനങ്ങള്‍ വാങ്ങാന്‍ ഉദ്ധേശിക്കുന്നവര്‍ക്കും മികച്ച അവസരങ്ങളാണ് ദുബൈ ഹോം ഫെസ്റ്റിവല്‍ ഒരുക്കുന്നത്. ഒക്ടോബര്‍ 13 മുതല്‍ ഒക്ടോബര്‍ 27 വരെയാണ് ദുബൈ ഹോം ഫെസ്റ്റിവല്‍ നടക്കുന്നത്. വീട്ടുപകരണങ്ങള്‍ക്ക് രാജ്യത്തെമ്പാടും മികച്ച ഓഫറുകള്‍ ഈ സീസണില്‍ ലഭ്യമാവുക.

6, ബ്ലാക്ക് ഫ്രൈഡേ

നവംബര്‍ മാസത്തിലെ അവസാനത്തെ വെളളിയാഴ്ചയെയാണ് ബ്ലാക്ക് ഫ്രൈഡേ, വൈറ്റ് ഫ്രൈഡേ എന്നീ പേരുകളില്‍ അറിയപ്പെടുന്നത്.
ഇലക്ട്രോണിക്ക്, ഹെല്‍ത്ത് കെയര്‍, വസ്ത്രങ്ങള്‍, വ്യക്തിഗത വസ്തുക്കള്‍ എന്നിവകളുടെയൊക്കെ ലോക്കല്‍, രാജ്യാന്തര ബ്രാന്‍ഡുകള്‍ക്ക് മികച്ച ഓഫറുകള്‍ ഈ ദിവസങ്ങളില്‍ ലഭ്യമാണ്.

7,ദുബൈ ഷോപ്പിങ് ഫെസ്റ്റിവല്‍

ഡിസംബര്‍ മധ്യത്തിലും ജനുവരിയിലുമായിട്ടാണ് ദുബൈ ഷോപ്പിങ് ഫെസ്റ്റിവല്‍ നടക്കുന്നത്. ഓണ്‍ലൈന്‍, ഓഫ്‌ലൈന്‍ വഴി മികച്ച ഡീലുകള്‍ ഉപഭോക്താക്കള്‍ക്ക് ഈ ഷോപ്പിങ് സീസണില്‍ ലഭ്യമാണ്. സാധനങ്ങള്‍ക്കും സേവനങ്ങള്‍ക്കും മികച്ച ഓഫറുകളാണ് ദുബൈ ഷോപ്പിങ് ഫെസ്റ്റിവലിലൂടെ ലഭിക്കുന്നത്.

8, ക്രിസ്തുമസ്‌ ന്യൂ ഇയര്‍ ഓഫറുകള്‍

ക്രിസ്തുമസ്- ന്യൂ ഇയര്‍ സീസണുകളില്‍ രാജ്യത്തെ റീട്ടെയ്‌ലേഴ്‌സ് ഉപഭോക്താക്കള്‍ക്കായി സാധന-സേവനങ്ങള്‍ മികച്ച ഓഫറുകളില്‍ വില്‍പന നടത്തുന്നുണ്ട്. ഇതിനൊപ്പം പല കോണ്‍ഡസ്റ്റുകളില്‍ നിന്നായി നിരവധി സമ്മാനങ്ങള്‍ സ്വന്തമാക്കാനുളള അവസരവും ഈ ഉത്സവ സീസണിലൂടെ ഉപഭോക്താക്കള്‍ക്ക് ലഭിക്കുന്നു.

Content Highlights: -8 mega sales uae residents can look forward to this year

യു.എ.ഇയില്‍ താമസിക്കുന്നവരാണോ നിങ്ങള്‍; എന്നാല്‍ ഈ എട്ട് മെഗാ സെയിലുകള്‍ മിസ്സ് ചെയ്യരുത്