ചെറുപുഴ :മണ്ഡലം കോണ്‍ഗ്രസ് കമ്മറ്റിയില്‍ പൊട്ടിത്തെറി. വിമത വിഭാഗം പ്രത്യേക യോഗം ചേര്‍ന്ന് ജവഹര്‍ സംസ്‌കാരിക വേദി രൂപീകരിച്ചു.കഴിഞ്ഞ പഞ്ചായത്ത് തെരഞ്ഞെടുപ്പോടുകൂടി ആരംഭിച്ച ഗ്രൂപ്പിസം കഴിഞ്ഞ ദിവസം ചേര്‍ന്ന മണ്ഡലം കമ്മിറ്റിയില്‍ നടന്ന ചില പ്രശ്‌നങ്ങളുടെ ഭാഗമായി മറ നീക്കി പുറത്തു വരികയായിരുന്നു. കോണ്‍ഗ്രസ് പ്രാദേശിക നേതാവ് കെ ദാമോദരന്‍ മാസ്റ്ററുടെയും മറ്റ് വിമതരുടെയും നേതൃത്വത്തിലാണ് യോഗം നടന്നത് .സംസ്‌കാരിക വേദിയുടെ ഉദ്ഘാടനം കെ.പി.സി.സി ജനറല്‍ സെക്രട്ടറി അഡ്വ.സജീവ് ജോസഫ് നിര്‍വ്വഹിച്ചു. പയ്യന്നൂര്‍ നിയോജക മണ്ഡലം യൂത്ത് കോണ്‍ഗ്രസ് പ്രസിഡന്റ് ബ്രിജേഷ് കുമാര്‍, യൂത്ത് കോണ്‍ഗ്രസ് മണ്ഡലം പ്രസിഡന്റ് സതീശന്‍ കാര്‍ത്തികപ്പള്ളി ചെറുപുഴ പഞ്ചായത്തില്‍ വിമത സ്ഥാനാര്‍ഥിയായി മത്സരിച്ച് ജയിച്ച സിസിലി ജോര്‍ജ് തുടങ്ങി നിരവധി നേതാക്കള്‍ യോഗത്തിലുണ്ടായിരുന്നു.കഴിഞ്ഞ മണ്ഡലം കമ്മിറ്റി യോഗത്തില്‍ ഒരു വിഭാഗം ആളുകള്‍ പാര്‍ട്ടിയില്‍ നിന്ന് പുറത്താക്കിയവരെ തിരിച്ചെടുക്കണമെന്നാവശ്യപ്പെട്ടിരുന്നു.ഇതിനെ മറ്റൊരു ഭാഗം എതിര്‍ക്കുകയും അത് വലിയ വിഷയമാവുകയും ചെയ്തിരുന്നു. ഈ സംഭവമാന്ന് ഇവരെ ഈ നീക്കത്തിനായി പ്രേരിപ്പിച്ചത്.