കണ്ണൂര്‍: മടപ്പുര ട്രസ്റ്റിയെ വിളക്കുകൊണ്ട് അടിച്ചുപരുക്കേല്‍പ്പിച്ച ബന്ധുക്കളായ മൂന്നു പേരെ 25 മാസം തടവിനും 1500 രൂപ വീതം പിഴയടക്കാനും ശിക്ഷിച്ചു.
ഇരിക്കൂര്‍ ചേടിച്ചേരി മടപ്പുരയിലെ മടയന്‍ മടപ്പുരയ്ക്കല്‍ വീട്ടില്‍ എം പുരുഷോത്തമനെ(49) അടിച്ചു പരുക്കേല്‍പ്പിച്ച കേസില്‍ ബന്ധുക്കളായ പെരുംപുറയില്‍ വീട്ടില്‍ മനോഹരന്‍, സന്തോഷ്, രാജേഷ് എന്നിവരെയാണ് കണ്ണൂര്‍ ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ്(രണ്ട്) ഇ രഞ്ജിത്ത് ശിക്ഷിച്ചത്. 2009 നവംബര്‍ 23നാണ് കേസിനാസ്പദമായ സംഭവം.