കണ്ണൂര്‍: സംഘടനാ ഭാരവാഹികള്‍ അനിവാര്യമായും അറിഞ്ഞിരിക്കേണ്ട വിഷയങ്ങള്‍ പഠിക്കുന്നതിനും സംഘടനാരംഗം കൂടുതല്‍ കാര്യക്ഷമമാക്കുന്നതിനും വേണ്ടി പഴയങ്ങാടി മുട്ടില്‍ മുനീറുല്‍ ഇസ്‌ലാം മദ്‌റസയില്‍ സംഘടിപ്പിച്ച എസ്.കെ.എസ്.എസ്.എഫ് ഇന്റര്‍കോണ്‍ ജില്ലാ ലീഡേഴ്‌സ് ക്യാംപ് സമാപിച്ചു. നമ്മുടെ സംഘടന എന്ന വിഷയം ഹൈദരലി വാഫിയും, ഇഹ്‌സാന്‍ അസ്‌ലം അസ്ഹരി പൊയ്ത്തുംകടവും, ഇഫക്ടീവ് മീറ്റിങ് ആന്റ് ഓഫിസ് ഡോക്യുമെന്റ് ബഷീര്‍ അസ്അദി നമ്പ്രവും ഡൈനാമിക്ക് ലീഡര്‍ഷിപ്പ് റഷീദ് കമ്പളക്കാടും അവതരിപ്പിച്ചു. ഡെലിഗേറ്റ് പാര്‍ലിമെന്റിന് വിവിധ സബ് കമ്മിറ്റികളുടെ ചുമതലയുള്ള ജില്ലാ നേതാക്കള്‍ നേതൃത്വം നല്‍കി. സമാപന സമ്മേളനം എസ്.വൈ.എസ് ജില്ലാ ജനറല്‍ സെക്രട്ടറി ഇബ്രാഹിം ബാഖവി പൊന്ന്യം ഉദ്ഘാടനം ചെയ്തു. ഐ.എസ് സലഫിസം ഫാഷിസം എന്ന വിഷയത്തില്‍ അബ്ദുല്‍ ലത്തീഫ് പന്നിയൂര്‍ പ്രമേയം അവതരിപ്പിച്ചു. എ.കെ അബ്ദുല്‍ ബാഖി, റഹീം പുതിയങ്ങാടി, അബൂബക്കര്‍ യമാനി, നിയാസ് അസ്അദി, ഷൗക്കത്തലി തലശ്ശേരി, റഷീദ് ഫൈസി, മഹ്‌റൂഫ് മട്ടന്നൂര്‍, ഇഖ്ബാല്‍ മുട്ടില്‍ സംസാരിച്ചു.