മക്ക: രാജ്യത്തിനകത്തും പുറത്തുമുള്ള തീർഥാടകർക്കായി പുതിയ ഉംറ സീസൺ മുഹറം ഒന്നിന് (ജൂലൈ 30) ആരംഭിക്കുമെന്ന് ഹജ്ജ് ഉംറ മന്ത്രാലയം അറിയിച്ചു. വിദേശ തീർത്ഥാടകർക്ക് ഉംറ നിർവഹിക്കുന്നതിന്, അടുത്ത വർഷത്തെ ഉംറ സീസണിലേക്കുള്ള വിസ അപേക്ഷ വ്യാഴാഴ്ച മുതൽ ആരംഭിക്കുമെന്നും സഊദി ഹജ്ജ്, ഉംറ മന്ത്രാലയം അറിയിച്ചു.

ബന്ധപ്പെട്ട അധികാരികൾ അംഗീകരിച്ചിട്ടുള്ള ആരോഗ്യ സംവിധാനത്തിനും നടപടികൾക്കും അനുസൃതമായി രാജ്യത്തിനകത്ത് നിന്നുള്ള തീർഥാടകർക്ക് “ഇഅതമർനാ” ആപ്ലിക്കേഷൻ വഴിയാണ് പെർമിറ്റുകൾ നൽകുന്നതെന്നും മന്ത്രാലയം കൂട്ടിച്ചേർത്തു.