എസ്.കെ.എസ്.എസ്.എഫ് അബുദാബി പാലക്കാട്‌ ജില്ലാ കമ്മിറ്റി നാടിന് ആംബുലൻസ് സമർപ്പിച്ചു

പാലക്കാട്: എസ്.കെ.എസ്.എസ്.എഫ് അബുദാബി പാലക്കാട്‌ ജില്ലാ കമ്മിറ്റിയുടെ നേതൃത്വത്തിൽ ആംബുലൻസ് നാടിന് സമർപ്പിച്ചു. സമസ്ത കേരള ജംഇയ്യത്തുൽ ഉലമ പ്രസിഡന്റ് സയ്യിദുൽ ഉലമ സയ്യിദ് മുഹമ്മദ്‌ ജിഫ്രി മുത്തുക്കോയ തങ്ങൾ ആംബുലൻസിന്റെ ഉദ്‌ഘാടനം നിർവഹിച്ചു.

എസ്.വൈ.എസ് പാലക്കാട്‌ ജില്ലാ കമ്മിറ്റിക്ക് ആണ് അബുദാബി പാലക്കാട്‌ ജില്ലാ കമ്മിറ്റി ആംബുലൻസ് നൽകിയിട്ടുള്ളത്. എസ്.കെ.എസ്.എസ്.എഫ് മണ്ണാർക്കാട് ഇസ്ലാമിക്‌ സെന്റർ കേന്ദ്രീകരിച്ചായിരിക്കും ആംബുലൻസ് പ്രവർത്തനം നടത്തുക. അട്ടപ്പാടി ഉൾപ്പെടെയുള്ള സ്ഥലങ്ങളിലേക്ക് ഉപയോഗം ലഭിക്കുന്ന രീതിയിലാണ് ആംബുലൻസ് സർവീസ് ക്രമീകരിച്ചിട്ടുള്ളത്.