കര്‍ണാടകയില്‍ സ്ത്രീകള്‍ക്ക് സൗജന്യയാത്ര ഇന്നുമുതല്‍

ബംഗളൂരു: കര്‍ണാടകയില്‍ ഇന്നുമുതല്‍ സ്ത്രീകള്‍ക്ക് സര്‍ക്കാര്‍ ബസുകളില്‍ സൗജന്യയാത്ര. സിദ്ധരാമയ്യ സര്‍ക്കാരിന്റെ പദ്ധതികളിലൊന്നായ 'ശക്തിഉചിത പ്രയാണ'യ്ക്കാണ് ഇന്ന് തുടക്കമാവുന്നത്. പദ്ധതിയുടെ ഉദ്ഘാടനം വിധാന്‍ സൗധയ്ക്ക് മുന്നില്‍ മുഖ്യമന്ത്രി സിദ്ധരാമയ്യ നിര്‍വഹിക്കും. ഇതേസമയത്ത് സംസ്ഥാനത്തെ എല്ലാ ജില്ലാ ആസ്ഥാനങ്ങളിലും നിയോജക മണ്ഡലതലങ്ങളിലും മന്ത്രിമാരും എം.എല്‍.എമാരും പദ്ധതിയുടെ ഉദ്ഘാടനം നിര്‍വഹിക്കും.