ഓസ്‌ട്രേലിയക്കെതിരെ നടന്ന രാജ്യാന്തര സൗഹൃദ മത്സരത്തില്‍ ലോക ചാംപ്യന്‍മാരായ അര്‍ജന്റീനക്ക് മിന്നും വിജയം. ചൈനയിലെ വര്‍ക്കേഴ്‌സ് സ്‌റ്റേഡിയത്തില്‍ വെച്ച് നടന്ന മത്സരത്തില്‍ ഓസ്‌ട്രേലിയയെ എതിരില്ലാത്ത രണ്ട് ഗോളുകള്‍ക്കാണ് മെസിയും സംഘവും തകര്‍ത്ത് വിട്ടത്.
മത്സരത്തിന്റെ രണ്ടാം മിനിട്ടില്‍ അര്‍ജന്റൈന്‍ ഇതിഹാസം സാക്ഷാല്‍ ലയണല്‍ മെസിയായിരുന്നു അര്‍ജന്റീനയുടെ ആദ്യ ഗോള്‍ സ്വന്തമാക്കിയത്. പിന്നീട് കളിയുടെ രണ്ടാം പകുതിയില്‍ ജെര്‍മന്‍ പെസെല്ലെ നേടിയ ഗോള്‍ കൂടിയായതോടെ അര്‍ജന്റീന തങ്ങളുടെ വിജയം കൂടുതല്‍ ആധീകാരികമാക്കുകയായിരുന്നു.

മത്സരത്തിലുടനീളം വ്യക്തമായ ആധിപര്യം പുലര്‍ത്താന്‍ ലോകകപ്പ് ചാംപ്യന്‍മാര്‍ക്ക് സാധിച്ചിരുന്നു.മൊത്തം അഞ്ച് ഓണ്‍ ഗോള്‍ ടാര്‍ഗറ്റുകള്‍ അര്‍ജന്റീന ഓസിസ് പോസ്റ്റിലേക്ക് തൊടുത്തപ്പോള്‍, ഓസ്‌ട്രേലിയക്ക് തിരിച്ച് ഒരു ഷോട്ട് മാത്രമെ അര്‍ജന്റൈന്‍ പോസ്റ്റിലേക്ക് ഉതിര്‍ക്കാന്‍ സാധിച്ചുളളൂ.

Content Highlights: argentina won against australia