പള്ളിക്കല്‍: വീട്ടുമുറ്റത്തെ നെല്‍കൃഷി വേറിട്ട കാഴ്ചയാകുന്നു. പെരുവള്ളൂര്‍ പഞ്ചായത്തിലെ സിദ്ദീഖാബാദ് തെരുവത്ത് ബാലകൃഷ്ണനാണ് (43) വീട്ടുമുറ്റത്തു പൂന്തോട്ടത്തിനു പകരം നെല്‍കൃഷിയുള്ളത്. കരാറടിസ്ഥാനത്തില്‍ വീട് നിര്‍മിക്കലാണ് കര്‍ഷക കുടുംബാംഗമായ ഇദ്ദേഹത്തിന്റെ ജോലി.
കുടുംബത്തിനു നേരത്തെ സ്വന്തമായി കൃഷിയിടങ്ങളുണ്ടായിരുന്നു.
ചെറുപ്രായത്തിലേ നെല്‍കൃഷിയോട് താല്‍പര്യമുള്ള ബാലകൃഷ്ണന്‍, കുടുംബത്തിലെ കൃഷിയുടെ ഓര്‍മ നിലനിര്‍ത്താനും കുട്ടികളില്‍ കൃഷിയോടുള്ള താല്‍പര്യം ഉണ്ടാക്കിയെടുക്കുന്നതിനുമാണ് ഇത്തരത്തില്‍ കൃഷി ചെയ്യന്നത്.