കോഴിക്കോട്ട് പൊലിസ് ജീപ്പ് മറിഞ്ഞ് അപകടം; എസ് ഐ അടക്കം നാലുപേര്‍ക്ക് പരുക്ക്

കായണ്ണ : കായണ്ണ മെട്ടന്തറ ജംഗ്ഷനില്‍ പൊലീസ് ജീപ്പ് മറിഞ്ഞ് അപകടം. പേരാമ്പ്ര സ്റ്റേഷനിലെ പൊലീസ് ജീപ്പാണ് അപകടത്തില്‍ പെട്ടത്. ഇന്ന് 11.30 കൂടിയാണ് അപകടം നടന്നത്.

എസ്.ഐ അടക്കം നാലുപേരാണ് വാഹനത്തില്‍ ഉണ്ടായിരുന്നത്. എസ്‌ഐ കെ. ജിതിന്‍ വാസ്, സിവില്‍ പൊലീസ് ഓഫീസര്‍മാരായ കൃഷ്ണന്‍, അനുരൂപ്, മിഷാദ് എന്നിവര്‍ക്കാണ് പരുക്കേറ്റത്. ഇവരെ പേരാമ്പ്ര ഇ.എം.എസ് സഹകരണ ആശുപത്രിയിലും പിന്നീട് കോഴിക്കോട് മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു.