ഗവര്‍ണര്‍ പദവി നിര്‍ത്തലാക്കണം: ബിനോയ് വിശ്വം എംപിയുടെ സ്വകാര്യ ഹരജിക്ക് അവതരണാനുമതി

ന്യൂഡല്‍ഹി: ഗവര്‍ണര്‍ പദവി നിര്‍ത്തലാക്കണമെന്നാവശ്യപ്പെട്ടുള്ള ബിനോയ് വിശ്വം എംപിയുടെ സ്വകാര്യബില്ലിന് രാജ്യസഭയില്‍ അവതരണാനുമതി. ഓഗസ്റ്റ് മാസം ബില്ല് രാജ്യസഭയില്‍ അവതരിപ്പിക്കും. കൊളോണീയല്‍ സംസ്‌കാരത്തിന്റെ ബാക്കിപ്പത്രമാണ് ഗവര്‍ണര്‍ പദവിയെന്നാണ് ബില്ലില്‍ വ്യക്തമാക്കിയിട്ടുള്ളത്.

നേരത്തെ 2020 ല്‍ ഗവര്‍ണര്‍ പദവി നീക്കം ചെയ്യണമെന്നാവശ്യപ്പെട്ട് ടിഎന്‍ പ്രതാപന്‍ എംപി ലോക്‌സഭയില്ലും സ്വകാര്യ ബില്‍ സമര്‍പ്പിച്ചിരുന്നു. ഗവര്‍ണമാര്‍ അധികാര ദുര്‍വിനിയോഗം നടത്തുകയാണെന്നും ഈ സാഹചര്യത്തിലാണ് സ്വകാര്യ ബില്‍ സമര്‍പ്പിച്ചതെന്നും വ്യക്തമാക്കിയാണ് നീക്കം.