കണ്ണൂര്‍: കണ്ണൂര്‍ സര്‍വകലാശാല യൂനിയന്‍ 2016-17 വര്‍ഷത്തേക്കുള്ള ഭാരവാഹി തെരഞ്ഞെടുപ്പ് സെപ്റ്റംബര്‍ ഏഴിനു സര്‍വകലാശാല ആസ്ഥാനത്ത് നടക്കും. തെരഞ്ഞെടുപ്പ് വിജ്ഞാപനം 22ന് നിലവില്‍വരും. പ്രാഥമിക വോട്ടര്‍ പട്ടിക 22ന് ഉച്ചയ്ക്കു രണ്ടിനും അന്തിമ വോട്ടര്‍ പട്ടിക 30ന് രാവിലെ 11നും പ്രസിദ്ധീകരിക്കും. നാമനിര്‍ദേശ പത്രിക സമര്‍പ്പിക്കാനുള്ള അവസാന തീയതി സെപ്റ്റംബര്‍ ഒന്നിനു വൈകുന്നേരം മൂന്നു വരെയാണ്. അന്തിമ നാമനിര്‍ദേശപത്രിക സെപ്റ്റംബര്‍ ഒന്നിനു വൈകുന്നേരം നാലിനു പ്രസിദ്ധീകരിക്കും.