ആനുകാലിക വിഷയങ്ങളില്‍ സമസ്ത-ലീഗ് നേതാക്കള്‍ ചര്‍ച്ച നടത്തി

മലപ്പുറം: ആനുകാലിക വിഷയങ്ങളില്‍ സമസ്ത, മുസ്‌ലിം ലീഗ് നേതാക്കള്‍ കൂടിയിരുന്ന് ചര്‍ച്ച നടത്തി. അടുത്തുതന്നെ കൂടാന്‍ നിശ്ചയിച്ച ദിവസം അന്തിമ തീരുമാനം പ്രഖ്യാപിക്കുമെന്ന് നേതാക്കള്‍ പറഞ്ഞു. അതിനിടയില്‍ അനാരോഗ്യകരമായ ചര്‍ച്ചകളോ പ്രസ്താവനകളോ പ്രസംഗങ്ങളോ ആരില്‍നിന്നും ഉണ്ടാകരുതെന്ന് നേതാക്കള്‍ അറിയിച്ചു.

യോഗത്തില്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, പാണക്കാട് സയ്യിദ് സാദിഖലി ശിഹാബ് തങ്ങള്‍, പി.കെ കുഞ്ഞാലിക്കുട്ടി, കൊയ്യോട് ഉമര്‍ മുസ്‌ലിയാര്‍, എം.ടി അബ്ദുല്ല മുസ്‌ലിയാര്‍, കെ.കെ ആബിദ് ഹുസൈന്‍ തങ്ങള്‍ എം.എല്‍.എ, ഡോ. ബഹാഉദ്ദീന്‍ മുഹമ്മദ് നദ്‌വി, എ.വി അബ്ദുറഹ് മാന്‍ മുസ് ലിയാര്‍, വാക്കോട് മൊയ്തീന്‍കുട്ടി ഫൈസി, പി.എം അബ്ദുസ്സലാം ബാഖവി പങ്കെടുത്തു.