യുഎഇ: അബുദബിയില്‍ നടന്ന ശക്തമായ ലേലത്തിനൊടുവില്‍ അമേരിക്കന്‍ പ്യുവര്‍ ഗിര്‍ അള്‍ട്രാ വൈറ്റ് ഫാല്‍ക്കണ്‍ വിറ്റുപോയത് പത്തു ലക്ഷം ദിര്‍ഹത്തിന്. അബുദബിയില്‍ നടന്ന ഇന്റര്‍നാഷണല്‍ ഹണ്ടിങ് ആന്‍ഡ് ഇക്വേസ്ട്രിയന്‍ എക്‌സിബിഷന്റെ തുടക്കം എന്ന നിവയില്‍ തയ്യാറാക്കപ്പെട്ട ലേല പരിപാടിയിലാണ് ചരിത്രത്തിലെ ഏറ്റവും ഉയര്‍ന്ന വിലക്ക് ഒരു ഫാല്‍ക്കണ്‍ ലേലം ചെയ്യപ്പെട്ടത്. സെപ്റ്റംബര്‍ രണ്ടിന് എക്‌സിബിഷന്‍ ആരംഭിക്കുന്നതിന് മുന്നോടിയായാണ് എമിറേറ്റ്‌സ് ഫാല്‍ക്കണ്‍ ക്ലബ്ബ് പ്രസ്തുത ലേലം സംഘടിപ്പിച്ചത്.

വരും ദിവസങ്ങളില്‍ പ്യുര്‍ ഗിര്‍, പ്യുര്‍ ഗിര്‍ മെയില്‍, പ്യുര്‍ സേകര്‍ എന്നിങ്ങനെ മൂന്ന് ബ്രീഡുകളിലുള്ള വളര്‍ത്തു ഫാല്‍ക്കണുകള്‍ക്കായി ലേലം നടത്തപ്പെടുമെന്നും ഫാല്‍ക്കണുകളുടെ സൗന്ദര്യ മത്സരം നടക്കുമെന്നും റിപ്പോര്‍ട്ടുകള്‍ പുറത്ത് വരുന്നുണ്ട്. യുഎഇക്ക് പുറത്തുള്ള വിദേശികളെയും ഫാല്‍ക്കണ്‍ ഫാം ഉടമകളെയും വ്യാപാരികളെയും ഫാല്‍ക്കണ്‍ വളര്‍ത്തുകാരെയും ലക്ഷ്യം വെച്ചാണ് ഇത്തരത്തിലൊരു ലേലം നടന്നത്. ഫാല്‍ക്കന്‍ ബിസിനസുക്കാരെയാണ് ലേലം ലക്ഷ്യം വെച്ചിരുന്നത്. കഴിഞ്ഞ വര്‍ഷം നടന്ന 19ാമത് എഡിഷനില്‍ ഏകദേശം രണ്ടേകാല്‍ക്കോടി രൂപക്കാണ് പ്യുവര്‍ ഗൈര്‍ അമേരിക്കന്‍ അള്‍ട്രാവൈറ്റ് വിഭാഗത്തിലുള്ള ഫാല്‍ക്കണ്‍ വിറ്റത്.

Content Highlights:rare falcon sold for 1 million dirham at abudhabi auction