കോഴിക്കോട്: എസ്.കെ.എസ്.എസ്.എഫ് വിഖായ സംസ്ഥാന തലത്തില്‍ നടത്തി വരുന്ന പരിശീലനങ്ങളുടെ ഭാഗമായി കോഴിക്കോട് ജില്ലാ ട്രെയിനിങ് ക്യാംപ് മടവൂര്‍ സി.എം മഖാം ഓര്‍ഫനേജില്‍ വച്ച് നടന്നു. എസ്.കെ.എസ്.എസ്.എഫ് ജില്ലാ സീനിയര്‍ വൈസ് പ്രസിഡന്റ് ഫൈസല്‍ ഫൈസി മടവൂരിന്റെ അധ്യക്ഷതയില്‍ എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് മുബശ്ശിര്‍ തങ്ങള്‍ ജമലുല്ലൈലി ഉദ്ഘാടനം ചെയ്തു. ശഫീഖ് ദാരിമി, ഷമീം ഫൈസി മഞ്ചേരി, നാസര്‍ ഫൈസി കൂടത്തായി, ഡോ. അജ്മല്‍, ഒ.പി.എം അഷ്‌റഫ് തുടങ്ങിയവര്‍ വിവിധ സെഷനുകളില്‍ ക്ലാസിന് നേതൃത്വം നല്‍കി. നിസാം ഓമശ്ശേരി, ഖാസിം ഫൈസി ലക്ഷദീപ്, മൂത്താട്ട് അബ്ദുറഹിമാന്‍ മാസ്റ്റര്‍, യു. ഷറഫുദ്ദീന്‍ മാസ്റ്റര്‍, ടി.പി.സി മുഹമ്മദ്‌കോയ ഫൈസി, കെ. മുഹമ്മദ് മാസ്റ്റര്‍, യൂ.പി മുഹമ്മദ് മൗലവി, ശഫീഖ് കായലം, അബ്ദുറഹിമാന്‍ സിറ്റി, ഗഫൂര്‍ ഓമശ്ശേരി, അന്‍വര്‍ നല്ലളം സംസാരിച്ചു.