HOME
DETAILS

കുടിവെള്ള പദ്ധതി അട്ടിമറിക്കരുതെന്ന് യൂത്ത് ലീഗ്

  
backup
August 24 2016 | 18:08 PM

%e0%b4%95%e0%b5%81%e0%b4%9f%e0%b4%bf%e0%b4%b5%e0%b5%86%e0%b4%b3%e0%b5%8d%e0%b4%b3-%e0%b4%aa%e0%b4%a6%e0%b5%8d%e0%b4%a7%e0%b4%a4%e0%b4%bf-%e0%b4%85%e0%b4%9f%e0%b5%8d%e0%b4%9f%e0%b4%bf%e0%b4%ae%e0%b4%b1


പട്ടാമ്പി: ഓങ്ങല്ലൂര്‍,വല്ലപ്പുഴ പഞ്ചായത്തുകളിലെ കുടിവെള്ളക്ഷാമത്തിന് ശാശ്വത പരിഹാരമായി 45 കോടി ചെലവില്‍ ആസൂത്രണം ചെയ്ത കുടിവെള്ള പദ്ധതി അട്ടിമറിക്കാനുള്ള ഓങ്ങല്ലൂര്‍ പഞ്ചായത്ത് ഭരണ സമിതി നീക്കത്തിനെതിരേ  പൊതുജനപ്രക്ഷോഭം നടത്തുമെന്ന് മുസ്‌ലിം യൂത്ത് ലീഗ് ഓങ്ങല്ലൂര്‍ പഞ്ചായത്ത് പ്രവര്‍ത്തക സമിതി യോഗം മുന്നറിയിപ്പ് നല്‍കി. സി.പി മുഹമ്മദ് എം.എല്‍.എയായിരുന്ന സമയത്ത് 45 കോടി ചെലവില്‍ നബാര്‍ഡ് സഹായത്തോടെ ആരംഭിച്ച പദ്ധതിയാണ് അട്ടിമറിക്കപ്പെടുന്നത്.
ജനങ്ങളുടെ നിരന്തര ആവശ്യത്തെ തുടര്‍ന്ന് ആസൂത്രണം ചെയ്ത പദ്ധതിയാണ് ഇതെന്നും യോഗത്തില്‍ വിലയിരുത്തി.
പദ്ധതിക്കാവശ്യമായ സ്ഥലം പഞ്ചായത്ത് കണ്ടെത്തണമെന്നും അവഗണിക്കുന്ന സമീപനമുണ്ടായാല്‍ ജനങ്ങളെ അണിനിരത്തി പ്രക്ഷോഭത്തിന് നേതൃത്വം നല്‍കാനും യോഗത്തില്‍ തീരുമാനമെടുത്തു.
കുടിവെള്ള പദ്ധതിക്കാവശ്യമായ വെള്ളം ലഭ്യമാക്കുന്നതിന് തടയണ നിര്‍മാണം പുരോഗമിച്ചിട്ടുണ്ട്. ട്രീറ്റ്‌മെന്റ് പ്ലാന്റിനാവശ്യമായ സ്ഥലം പഞ്ചായത്ത് കണ്ടെത്തിയില്ലെങ്കില്‍ പദ്ധതി നഷ്ടമാകുമെന്നും കുടിവെള്ള വിതരണത്തിനുള്ള ശാശ്വത പരിഹാരമാണ് ഇതുവഴി നഷ്ടപ്പെടുകയെന്നും യോഗം അഭിപ്രായപ്പെട്ടു.
കെ.പി ജാഫര്‍ അധ്യക്ഷനായി. ഹസന്‍ കുട്ടി ഉദ്ഘാടനം ചെയ്തു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."