അലനല്ലൂര്‍: അലനല്ലൂര്‍ മേഖല എസ്.കെ.എസ്.എസ്.എഫ് ത്വലബ ക്യാംപ് അലനല്ലൂര്‍ മുണ്ടത്ത്പള്ളിയില്‍ നടന്നു. ജില്ല ജംഇയ്യത്തുല്‍ മുദരിസീന്‍ ജ.സെക്രട്ടറി സി. മുഹമ്മദ്കുട്ടി ഫൈസി ഉദ്ഘാടനം ചെയ്തു. മേഖല പ്രസിഡന്റ് മുഹമ്മദലി ഫൈസി അധ്യക്ഷനായി.
'ത്വലബയില്‍ നിന്ന് ഉലമയിലേക്ക് ' ടി.എച്ച് ദാരിമി ഏപ്പിക്കാട് ക്ലാസിന് നേതൃത്വം നല്‍കി, എന്‍.ഹംസ മാസ്റ്റര്‍, നാസര്‍ ഫൈസി കാഞ്ഞിരംകുന്ന്, എം.കെ. അബ്ബാസ് ഫൈസി, ബാബു മാസ്റ്റര്‍ ആലായന്‍, ലബീബ് വഴങ്ങല്ലി സംബന്ധിച്ചു.
ചെയര്‍മാന്‍ ഒ.എം.ഇസ്ഹാഖ് പടുവില്‍ക്കുന്ന് സ്വാഗതവും ഹാരിസ് മാളിക്കുന്ന് നന്ദിയും പറഞ്ഞു. വൈകുന്നേരം 4.30 ന് നടന്ന രണ്ടാം സെഷനില്‍ മേഖല ജ.സെക്രട്ടറി വി.ടി. അബ്ദുല്‍ ഖാദര്‍ അധ്യക്ഷനായി. മണ്ഡലം എസ്.വൈ.എസ് ജ.സെക്രട്ടറി സംസം ബഷീര്‍ ഉദ്ഘാടനം ചെയ്തു. സംഘടന, സംഘാടനം ക്ലാസിന് ശമീര്‍ ഫൈസി കോട്ടോപ്പാടം നേതൃത്വം നല്‍കി. ഉബൈദ് മാസ്റ്റര്‍ ആക്കാടന്‍, മനാഫ് കോട്ടോപ്പാടം, എന്‍.അഷ്‌റഫ് ഹാജി, സംബന്ധിച്ചു.
കണ്‍വീനര്‍ പി. സഫീറലി സ്വാഗതവും എം.കെ. റിയാസ് പടുവില്‍ക്കുന്ന് നന്ദിയും പറഞ്ഞു.