കഥ
ഹാ​രി​സ് ക​ത്ത​റ​മ്മ​ൽ

മ​ണി​മേ​ഖ​ല കു​ന്നു​ക​യ​റി കൂ​ട​ണ​യു​മ്പോ​ൾ മൂ​വ​ന്തി ക​ഴി​ഞ്ഞി​രു​ന്നു. വ​ന്ന​പാ​ടെ അ​വ​ൾ ഒ​രാ​ന്ത​ലോ​ടെ കോ​ലാ​യി​ലേ​ക്ക് വീ​ണു. ശ​ബ്ദം കേ​ട്ട് അ​ക​ത്തു​നി​ന്ന് മാ​ധ​വി​യ​മ്മ വ​ന്നു​നോ​ക്കി. അ​വ​ർ അ​ക​ത്തു​പോ​യി വെ​ള്ള​മെ​ടു​ത്ത് മ​ണി​മേ​ഖ​ല​യു​ടെ അ​ടു​ത്തു വ​ന്നി​രു​ന്നു. അ​വ​ളെ​ഴു​ന്നേ​റ്റി​രു​ന്ന് വെ​ള്ളം വാ​ങ്ങി കു​ടി​ച്ചു വീ​ണ്ടും കോ​ലാ​യി​ലെ നി​ല​ത്തേ​ക്ക് ചെ​രി​ഞ്ഞു.
അ​വ​ളു​ടെ മു​ഖ​ത്തേ​ക്ക് വീ​ണു​കി​ട​ന്ന മു​ടി അ​വ​ർ മാ​ടി​യൊ​തു​ക്കി. മോ​ളേ.. മോ​ളേ .... അ​വ​ർ ശ​ബ്ദം താ​ഴ്ത്തി വി​ളി​ച്ചു. അ​വ​ൾ ക​ണ്ണു​തു​റ​ന്ന് അ​മ്മ​യെ നോ​ക്കി, പി​ന്നെ പൊ​ട്ടി​ക്ക​ര​ഞ്ഞു. മാ​ധ​വി​യ​മ്മ അ​വ​ളു​ടെ വാ​യ​പൊ​ത്തി, 'ശ്ശ് .. ​പ​തു​ക്കെ... ശ​ബ്ദം കേ​ട്ട്ആ​രേ​ലും ഇ​ങ്ങ​ട്ട് വ​ന്നാ​ല്ണ്ട​ല്ലോ...? നി​യ്യ് പോ​യ കാ​ര്യം പ​റ മോ​ളേ...'
അ​വ​ളു​ടെ ക​ണ്ണു​ക​ൾ നി​റ​ഞ്ഞ് ഒ​ഴു​കി​ത്തു​ട​ങ്ങി.'അ​മ്മേ... അ​മ്മ പ​റ​ഞ്ഞ​പോലെ ഞാ​ൻ ചെ​യ്ത​മ്മേ...' ഇ​ട​ർ​ച്ച​യോ​ടെ അ​വ​ൾ പ​റ​ഞ്ഞു. കോ​ലാ​യി​ലെ നി​ല​ത്തു​കി​ട​ന്ന് ഏ​ങ്ങ​ല​ടി​ച്ചു.
മാ​ധ​വി​യ​മ്മ കോ​ലാ​യി​ലെ വെ​ളി​ച്ചം കെ​ടു​ത്തി. തി​ണ്ടി​ൽ കാ​ലു​നീ​ട്ടി ഇ​രി​പ്പു​റ​പ്പി​ച്ചു. തി​രി​ച്ച​റി​യാ​നാ​വാ​ത്തൊരു ഉ​ൾ​ഭ​യം അ​വ​രെ​യും ഗ്ര​സി​ച്ചു. പു​റ​ത്ത് ഇ​രു​ട്ട് ക​ന​ത്തു തു​ട​ങ്ങി. കു​ന്നി​നു താ​ഴെ നി​ന്ന് കു​ട്ട​ന്റെ പ​ട്ടി​ക്കു​ട്ടി നി​ർ​ത്താ​തെ കു​ര​ക്കു​ന്നു. അ​വ​നെ​ക്കാ​ണാ​ഞ്ഞി​ട്ടാ​വ​ണം. കു​ട്ട​ൻ വ​ള​ർ​ത്തി​യി​രു​ന്ന പ്രാ​വു​ക​ളെ ഉ​ച്ച​ക്ക് കൂ​ടു തു​റ​ന്നു​വി​ട്ട് ആ​ട്ടി​പ്പാ​യി​ച്ചി​രു​ന്നു. ര​ണ്ടു മൂ​ന്നെ​ണ്ണം എ​ങ്ങും പോ​കാ​തെ കൂ​ടി​ന്റെ മു​ക​ളി​ൽ ഇ​രി​ക്കു​ന്ന​ത് ഇ​രു​ട്ടി​ൽ അ​വ്യ​ക്ത​മാ​യി കാ​ണാം.

മാ​ധ​വി​യ​മ്മ, മ​ണി​മേ​ഖ​ല​യു​ടെ നേ​രെ ക​ഴു​ത്തു തി​രി​ച്ചു​നോ​ക്കി. അ​വ​ള​പ്പോ​ഴും കോ​ലാ​യി​ലെ നി​ല​ത്ത് കി​ട​ന്ന് ഏ​ങ്ങ​ല​ടി​ക്കു​ക​യാ​ണ്. അ​വ​ൾ​ക്ക് എ​ങ്ങ​നെ സ​ഹി​ക്കാ​ൻ പ​റ്റും. പ​ത്ത് മാ​സം നൊ​ന്തു പ്ര​സ​വി​ച്ച മ​ക​നെ​യാ​ണ് ഉ​പേ​ക്ഷി​ച്ച് വ​ന്നി​രി​ക്കു​ന്ന​ത്. ക​ര​യ​ട്ടെ, ക​ര​ഞ്ഞ് ക​ര​ഞ്ഞ് മ​ന​സി​ലെ വി​ഷ​മ​മെ​ല്ലാം മാ​റ​ട്ടെ...
ഇ​രു​ളി​ൽ അ​വ​രു​ടെ ഓ​ർ​മ​ക​ളു​ടെ ഭാ​ണ്ഡം ത​നി​യെ അ​ഴി​ഞ്ഞു. കു​മാ​രേ​ട്ട​ൻ തെ​ങ്ങി​ൽ​നി​ന്ന് വീ​ണു മ​രി​ക്കു​മ്പോ​ൾ മ​ണി​മേ​ഖ​ല​ക്ക് വ​യ​സു പ​ത്തു തി​ക​ഞ്ഞി​രു​ന്നി​ല്ല. വീ​ടു​ക​ളി​ൽ ജോ​ലി​ക്കു പോ​യും വ​യ​ൽ​പ്പ​ണി​ക്കും മ​റ്റും പോ​യാ​ണ് അ​ല്ല​ലി​ല്ലാ​തെ അ​വ​ളെ വ​ള​ർ​ത്തി​യ​ത്. ഒ​ടു​വി​ൽ അ​വ​ളു​ത​ന്നെ ക​ണ്ടെ​ത്തി​യ ചെ​റു​ക്ക​നു​മാ​യി ക​ല്യാ​ണം. എ​ത്ര സു​ന്ദ​ര​മാ​യി​രു​ന്നു ആ ​കാ​ലം! രാ​ജേ​ഷ് അ​ത്ര​മേ​ൽ അ​വ​ളെ സ്നേ​ഹി​ച്ചി​രു​ന്നു.അ​വ​രു​ടെ ബ​ന്ധം ഊ​ട്ടി​യു​റ​പ്പി​ച്ച് കൊ​ണ്ട് അ​വ​ർ​ക്കി​ട​യി​ലേ​ക്ക് ഒ​രാ​ൾ​കൂ​ടി വ​ന്നു. ത​ങ്ക​ക്കു​ടം പോ​ലൊ​രു പൊ​ന്നു​മോ​ൻ!
മ​ക​ൻ ഉ​ണ്ടാ​യ​തി​നു ശേ​ഷ​മാ​ണ് രാ​ജേ​ഷ് വീ​ട് പു​തു​ക്കി​പ്പ​ണി​ത​തും അ​ങ്ങാ​ടി​യി​ൽ പ​ല​ച​ര​ക്കു​ക​ട തു​ട​ങ്ങി​യ​തും. പോ​കെ​പ്പോ​കെ എ​ല്ലാ സ​ന്തോ​ഷ​ങ്ങ​ളും മ​ങ്ങി​ത്തു​ട​ങ്ങി. മ​ക​ന്റെ അ​സ്വാ​ഭാ​വി​ക പെ​രു​മാ​റ്റ​ങ്ങ​ൾ ക​ണ്ട​പ്പോ​ഴാ​ണ് ഡോ​ക്ട​റെ സ​മീ​പി​ക്കു​ന്ന​ത്.

മ​ക​ന് ബു​ദ്ധി​വൈകല്യമുണ്ടെന്ന​റി​ഞ്ഞ രാ​ജേ​ഷ് ത​ള​ർ​ന്നു. മ​രു​ന്നു​കൊ​ണ്ടും മ​ന്ത്രം​കൊ​ണ്ടും മ​ക​ന്റെ അ​വ​സ്ഥ മാ​റാ​തെ വ​ന്ന​പ്പോ​ൾ, ഒ​രു ദി​വ​സം ക​ട​പൂ​ട്ടി വീ​ട്ടി​ലേ​ക്ക് അ​യാ​ൾ വ​ന്ന​തേ​യി​ല്ല. ഒ​രു​മു​ഴം ക​യ​റി​ൽ ക​ട​യ്ക്കു​ള്ളി​ലെ ക​ഴു​ക്കോ​ലി​ൽ അ​യാ​ൾ വി​റ​ങ്ങ​ലി​ച്ചു നി​ന്നു.

എ​ത്ര​യെ​ത്ര വൈ​ദ്യ​മാ​രെ ക​ണ്ടു? എ​ത്ര അ​മ്പ​ല​ങ്ങ​ൾ, നേ​ർ​ച്ച​ക​ൾ, വ​ഴി​പാ​ടു​ക​ൾ... ഒ​ന്നും ഒ​രു ഫ​ല​വും ചെ​യ്തി​ല്ല! വ​ർ​ഷം ഇ​രു​പ​ത് ക​ഴി​ഞ്ഞി​രി​ക്കു​ന്നു.
പ​ത്തൊ​മ്പ​താം വ​യ​സി​ലാ​യി​രു​ന്നു അ​വ​ളു​ടെ വി​വാ​ഹം. എ​ല്ലാം ഇ​ന്ന​ലെ ക​ഴി​ഞ്ഞ പോ​ലെ തോ​ന്നു​ന്നു. കു​ട്ട​ൻ മു​തി​രു​ന്ന​തി​ന​നു​സ​രി​ച്ച് അ​വ​ന്റെ ഭ്രാ​ന്തും വി​കൃ​തി​യും കൂ​ടി​ക്കൂ​ടി വ​ന്നു. അ​വ​ൻ പു​ഴ​യി​റ​മ്പി​ലി​രു​ന്നു പെ​ണ്ണു​ങ്ങ​ൾ കു​ളി​ക്കു​ന്ന​ത് നോ​ക്കി ര​സി​ച്ചു. ചെ​ത്തു​കാ​ര​ൻ മൂ​ത്തോ​റ​ൻ മൂ​പ്പ​രു​ടെ തെ​ങ്ങി​ൽ ക​യ​റി ക​ള്ളു​കു​ടി​ച്ചു. അ​ങ്ങാ​ടി​യി​ലി​റ​ങ്ങി പ​ല​ഹാ​ര​ങ്ങ​ളും പ​ഴ​ങ്ങ​ളും വാ​രി​ത്തി​ന്നു. എ​തി​ർ​ക്കാ​ൻ വ​ന്നാ​ൽ കൈ​യി​ൽ​കി​ട്ടി​യ എ​ന്തു​കൊ​ണ്ടും തി​രി​ച്ചാ​ക്ര​മി​ക്കും.
അ​വ​നെ​ന്തു ചെ​യ്താ​ലും എ​ല്ലാ​വ​രും പ​രാ​തി​യു​മാ​യി വീ​ട്ടി​ലേ​ക്കാ​ണു വ​രി​ക.അ​യ്യ​പ്പ​ൻ വി​ള​ക്കി​ന്റെ​യ​ന്ന് ഉ​ത്സ​വ​പ്പ​റ​മ്പി​ൽ അ​വ​നു​ണ്ടാ​ക്കി​യ പു​കി​ൽ ചെ​റു​തൊ​ന്നു​മാ​യി​രു​ന്നി​ല്ല. ആ​രോ പൊ​ലി​സി​ൽ വി​വ​ര​മ​റി​യി​ച്ചു. അ​ന്ന് ആ​ദ്യ​മാ​യാ​ണ് മ​ണി​മേ​ഖ​ല പൊ​ലി​സ് സ്റ്റേ​ഷ​ൻ കാ​ണു​ന്ന​ത്. 'ചെ​ക്ക​ന് പ്രാ​ന്താ​ണേ​ല് വ​ല്ല പ്രാ​ന്താ​സ്പ​ത്രീ​ലും കൊ​ണ്ടാ​ക്ക​ണം. അ​ല്ലേ​ൽ ച​ങ്ങ​ല​ക്കി​ട​ണം'- എ​സ്.​ഐ പ​റ​ഞ്ഞ​തു​കേ​ട്ട് അ​വ​ൾ വി​റ​ച്ചു.

വി​വ​ര​മ​റി​ഞ്ഞ് വീ​ട്ടി​ൽ​വ​ന്ന അ​നി​യ​ത്തി മാ​ളു​വാ​ണ് പ​റ​ഞ്ഞ​ത്, 'ദൂ​രെ ഏ​ടെ​ങ്കെ​ലും കൊ​ണ്ട് ഉ​പേ​ക്ഷി​ച്ചാ മ​തി. പൂ​ച്ച​ക്കു​ട്ട്യോ​ളെ​യൊ​ക്ക ന​മ്മ​ൾ നാ​ടു​ക​ട​ത്താ​റില്ല്യേ മാ​ധ​വ്യേ... അ​തു​പോ​ല​ത്ത​ന്നെ' - മാ​ളു ഒ​ന്നു​കൂ​ടി വ്യ​ക്ത​മാ​ക്കി.
'ഓ​ള് പെ​റ്റ​ത​ല്ലേ അ​തി​നെ മാ​ളോ... അ​തി​നെ കൊ​ണ്ട് ക​ള​യാ​നോ...?'
'ന്നാ... ​ങ്ങ​ള് ത​ള്ള​യും മോ​ളും ഓ​നെ തീ​റ്റി​പ്പോ​റ്റി​ക്കോ... ആ ​പെ​ണ്ണ് ക​ണ്ടോ​ന്റെ എ​റേ​ച്ചീ​ല് നെ​ര​ങ്ങീ​റ്റാ​ണ് നാ​ലാ​ക്ക്ള്ള​ത് ഓ​ൻ ഒ​റ്റ​നേ​രം തി​ന്ന​ണ​ത്... ഓ​ൾ​ക്ക് വ​യ​സ് നാ​ൽ​പ്പ​ത് ആ​വു​ന്നേ​ള്ളൂ. ഏ​തേ​ലും ഒ​രു​ത്ത​ന്റെ കൂ​ടെ ഓ​ളെ പ​റ​ഞ്ഞ​യ്ക്ക​ണ്ടെ... നെ​ന്റെ കാ​ലം ക​ഴി​ഞ്ഞാ ഓ​ൾ​ക്കാ​രാ​ണ്ടാ​വാ..? ഞാ​ൻ പ​റ​യാ​നു​ള്ള​ത് പ​ർ​ഞ്ഞു. ഇ​നി ങ്ങ​ള് ത​ള്ള​യും മോ​ളും കൂ​ടി തീ​രു​മാ​ൻ​ച്ചോ...' - മാ​ളു​വ​മ്മ അ​വ​രു​ടെ മ​ന​സി​ലേ​ക്ക് കോ​രി​യി​ട്ട തീ​ക്ക​ന​ൽ പു​ക​ഞ്ഞു​കൊ​ണ്ടേ​യി​രു​ന്നു. ശ​രി​യാ​ണ്, മ​ണി​മേ​ഖ​ല​ക്ക് അ​വ​ളു​ടെ ഭാ​വി നോ​ക്ക​ണം. സു​ഖ​മി​ല്ലാ​ത്ത ചെ​ക്ക​ന് അ​സു​ഖം മാ​റി​ല്ല.
ആ​ദ്യ​മൊ​ന്നും മ​ണി​മേ​ഖ​ല സ​മ്മ​തി​ച്ചി​ല്ല. നാ​ട്ടു​കാ​രു​ടെ​യും അ​യ​ൽ​ക്കാ​രു​ടെ​യും പ​രാ​തി. പൊ​ലി​സി​ന്റെ താ​ക്കീ​ത്... പേ​ർ​ത്തും പേ​ർ​ത്തും ആ​ലോ​ചി​ച്ച​പ്പോ​ൾ ത​ന്റെ ഭാ​വി​ക്കും ന​ല്ല​താ​ണെ​ന്ന് അ​വ​ൾ​ക്കും തോ​ന്നി. എ​ന്നാ​ലും പ​ത്തു​മാ​സം നൊ​ന്തു​പെ​റ്റ മ​ക​നെ ഉ​പേ​ക്ഷി​ക്കാ​ൻ ഒ​രു വൈ​മ​ന​സ്യം.
അ​ന്ന​വ​ൾ നേ​ര​ത്തെ ഉ​ണ​ർ​ന്നു. പ​ട്ടി​ക്കൂ​ട്ടി​ൽ കി​ട​ന്നു​റ​ങ്ങി​യ കു​ട്ട​നെ വി​ളി​ച്ചു​ണ​ർ​ത്തി. അ​വന് ഇ​ഷ്ട​മു​ള്ള കാ​പ്പി​യും പ​ല​ഹാ​ര​വും ഉ​ണ്ടാ​ക്കി​ക്കൊ​ടു​ത്തു. ക​ഴി​ഞ്ഞ പെ​രു​ന്നാ​ളി​ന് കു​ട്ടി​ഹ​സ്സ​ൻ മാ​പ്പി​ള കൊ​ടു​ത്ത കു​പ്പാ​യ​മി​ടു​വി​ച്ചു. മ​ണം പോ​യി​ത്തു​ട​ങ്ങി​യ പൗ​ഡ​​റു​മി​ടു​വി​ച്ചു. അ​വ​ൻ ഇ​ണ​ങ്ങി​യ നാ​യ്ക്കു​ട്ടി​യെ​പ്പോ​ലെ അ​നു​സ​രി​ച്ചു. അ​വ​ർ ആ​റേ പ​ത്തി​ന്റെ ബ​സി​ൽ ക​യ​റി ന​ഗ​ര​ത്തി​ലേ​ക്ക് യാ​ത്ര തി​രി​ച്ചു. അ​ന്ന് മു​ഴു​വ​ൻ അ​വ​ർ ര​ണ്ടു​പേ​രും ന​ഗ​ര​ത്തി​ൽ അ​ല​ഞ്ഞു. സി​നി​മ​യി​ലെ നാ​യി​ക​യെ ക​ണ്ട അ​വ​ൻ വി​വ​ശ​നാ​യി. മു​ന്തി​യ ഭോ​ജ​ന​ശാ​ല​യി​ൽ ക​യ​റി വ​യ​ർ നി​റ​ച്ചു​ണ്ടു. തീ​വ​ണ്ടി ക​ണ്ട് കു​ട്ട​ൻ ആ​ർ​ത്തു​വി​ളി​ച്ചു. അ​മ്മ​യി​ൽ നി​ന്ന​ക​ന്ന് പോ​കാ​തി​രി​ക്കാ​ന​വ​ൻ അ​വ​ളു​ടെ കൈ ​മു​റു​കെ​പ്പി​ടി​ച്ചു. ഒ​ടു​വി​ൽ ന​ഗ​ര​ത്തി​ലെ ജ​ന​സാ​ഗ​ര​ത്തി​നു​ള്ളി​ൽ അ​മ്മ​യെ വേ​ർ​പ്പെ​ട്ടു​പോ​യ അ​വ​ൻ ആ​ൾ​ക്കൂ​ട്ട​ത്തി​ൽ ഏ​ക​നാ​യി ഭ​യ​ന്നു വി​റ​ച്ചു​നി​ന്നു.

പ​ള്ളി​യി​ലെ ബാ​ങ്ക് മാ​ധ​വി​യ​മ്മ​യെ ചി​ന്ത​യി​ൽ നി​ന്നു​മു​ണ​ർ​ത്തി. മ​ണി​മേ​ഖ​ല എ​ഴു​ന്നേ​റ്റ് അ​ക​ത്തു​പോ​യി ബെ​ഞ്ചി​ൽ കി​ട​ന്ന് ഏ​ങ്ങ​ല​ടി​ച്ചു ക​ര​യു​ക​യാ​യി​രു​ന്നു.
'ഞാ​ൻ അ​പ​രാ​ധം ചെ​യ്തു പോ​യ​മ്മേ... എ​നി​ക്ക് സ​ഹി​ക്കാ​ൻ മേ​ലേ... എ​ന്റെ കു​ഞ്ഞ് വ​ല്ല​തും ക​ഴി​ച്ചോ ... ആ​വോ...' - അ​വ​ൾ ക​ര​ച്ചി​ലി​നി​ട​യി​ൽ പു​ല​മ്പി​ക്കൊ​ണ്ടേ​യി​രു​ന്നു. അ​ന്നു രാ​ത്രി​യി​ൽ അ​വ​ർ പ​ര​സ്പ​രം സം​സാ​രി​ക്കു​ക​യും ആ​ഹാ​രം ക​ഴി​ക്കു​ക​യും ചെ​യ്തി​ല്ല. പ്രാ​വി​ന്റെ ഉ​ച്ച​ത്തി​ലു​ള്ള കു​റു​ക​ൽ കേ​ട്ടാ​ണ് മാ​ധ​വി​യ​മ്മ ഉ​റ​ക്ക​മു​ണ​ർ​ന്ന​ത്.

നേ​രം ന​ന്നാ​യി വെ​ളു​ത്തി​രു​ന്നു. അ​വ​ർ മ​ണി​മേ​ഖ​ല​യെ തി​ര​ക്കി. വീ​ട്ടി​ലും തൊ​ടി​യി​ലു​മൊ​ന്നു​മ​വ​ളെ ക​ണ്ടി​ല്ല. തെ​ങ്ങു​ക​യ​റ്റ​ക്കാ​ര​ൻ ദാ​മോ​ദ​ര​നാ​ണു പ​റ​ഞ്ഞ​ത്, മ​ണി​മേ​ഖ​ല ആ​റേ പ​ത്തി​ന്റെ ബ​സി​ൽ പോ​കു​ന്ന​ത് ക​ണ്ടെ​ന്ന്. ക​ട​പ്പു​റ​ത്തെ ജ​ന​നി​ബി​ഡ​മാ​യ ഇ​ട​ങ്ങ​ളി​ൽ, തീ​വ​ണ്ടി സ്റ്റേ​ഷ​നു​ക​ളി​ൽ, ന​ഗ​ര​ത്തി​ന്റെ മു​ക്കു​മൂ​ല​ക​ളി​ൽ മ​ണി​മേ​ഖ​ല കു​ട്ട​നെ പ​ര​തി​ക്കൊ​ണ്ടി​രു​ന്നു. ഇ​ട​യ്ക്ക​വ​ൾ അ​വ​നെ ക​ണ്ടു, വാ​ത്സ​ല്യ​മു​ള്ള അ​മ്മ​യാ​യി മാ​റി അ​വ​ള​വ​നെ മു​ല​യൂ​ട്ടി, കി​ണ​റ്റി​ൻ​ക​ര​യി​ൽ വ​ച്ച് അ​വ​ള​വ​നെ എ​ണ്ണ​തേ​ച്ച് കു​ളി​പ്പി​ച്ചു, പി​ണ​ങ്ങി മാ​റി ഒ​ളി​ച്ചി​രി​ക്കു​ന്ന അ​വ​നെ​ത്തി​ര​ക്കി ന​ഗ​രം മു​ഴു​ക്കെ അ​വ​ൾ ഓ​ടി​ക്കൊ​ണ്ടേ​യി​രു​ന്നു...
ക​ത്തു​ന്ന വെ​യി​ലോ ചു​ട്ടു​പ​ഴു​ത്ത പാ​ത​ക​ളോ അ​വ​ളെ തെ​ല്ലും അ​ലോ​സ​ര​പ്പെ​ടു​ത്തി​യ തേ​യി​ല്ല.
•