ദുബൈ: അബൂദബിയില്‍ ഇലക്ട്രോണിക് സ്‌കൂട്ടര്‍, സൈക്കിള്‍ ഉപയോക്താക്കള്‍ ഗതാഗത നിയമലംഘനം നടത്തിയാല്‍ 500 ദിര്‍ഹംവരെ പിഴ ഈടാക്കും. ഇന്റഗ്രേറ്റഡ് ട്രാന്‍സ്‌പോര്‍ട്ട് സെന്റര്‍ (ഐ.ടി.സി.)യാണ് ഇക്കാര്യം വ്യക്തമാക്കിയത്. എമിറേറ്റില്‍ സുരക്ഷിത ഗതാഗത സംസ്്കാരം സൃഷ്ടിക്കുന്നതിനായാണ് നിയന്ത്രണങ്ങള്‍ കടുപ്പിക്കുന്നത്. പരിസ്ഥിതി സൗഹൃദ ഗതാഗതമാര്‍ഗങ്ങളുടെ ഉപയോഗം കാര്യക്ഷമമാക്കാനുമുള്ള ഐ.ടി.സി.യുടെ തീരുമാനത്തിന്റെ ഭാഗമായും നിയമലംഘകര്‍ക്കെതിരേ നടപടി ശക്തിപ്പെടുത്തും. എമിറേറ്റില്‍ ഇ സ്‌കൂട്ടര്‍ ഉള്‍പ്പെടെയുള്ള വാഹന ഉപയോക്താക്കളുടെ എണ്ണം വര്‍ധിച്ചിട്ടുണ്ടെന്ന് അധികൃതര്‍ വ്യക്തമാക്കി.