എടപ്പാള്‍: വീട്ടമ്മയുടെ കഴുത്തില്‍ കത്തിവച്ചു ക്ലോറോഫോം മണപ്പിച്ചു ബോധരഹിതയാക്കിയശേഷം 20 പവന്‍ സ്വര്‍ണവും പണവും കവര്‍ന്ന കേസില്‍ അന്വേഷണം തുടരുന്നതിനിടെ വീട്ടമ്മയുടെ മരുമകനെ ഒരു സംഘം ഭീഷണിപ്പെടുത്തിയതായി പരാതി.
ദിവസങ്ങള്‍ക്ക് മുമ്പാണ് മരുമകന്റെ സുഹൃത്തുക്കളെന്നു പരിചയപ്പെടുത്തി ബൈക്കിലെത്തിയ രണ്ടണ്ടംഗ സംഘം കോലൊളമ്പ് വൈദ്യര്‍മൂല മാക്കാലിക്കല്‍ ഇന്ദിര(64)യെ ഭീഷണിപ്പെടുത്തി അണിഞ്ഞിരുന്നതും അലമാരയില്‍ സൂക്ഷിച്ചിരുന്ന മകളുടെ ആഭരണങ്ങളും പണവും കവര്‍ന്നു രക്ഷപ്പെട്ടത്. സംഭവത്തെ തുടര്‍ന്ന് വിദേശത്തായിരുന്ന മരുമകന്‍ നാട്ടിലെത്തുകയും അന്വേഷണം ഊര്‍ജിതമാക്കാന്‍ ആവശ്യപ്പെടുകയും ചെയ്തിരുന്നു.
ഇന്നലെ തിരിച്ച് വിദേശത്തേക്ക് മടങ്ങാനിരിക്കെ ചൊവ്വാഴ്ച വൈകീട്ട് എടപ്പാളില്‍ നിന്നു വിദേശത്തേക്ക് പോകാനുള്ള ടിക്കറ്റുമായി വീട്ടിലേക്ക് മടങ്ങുന്നതിനിടെ കോലൊളമ്പ് സ്വദേശികളായ ഒരു സംഘം ഇയാളെ  ഭീഷണിപെടുത്തിയത്. പൊന്നാനി സി.ഐക്ക് പരാതി നല്‍കി.