തിരുവനന്തപുരം: സമസ്ത കേരള ജംഇയ്യതുല്‍ ഉലമ ഉപാധ്യക്ഷനും കേരള വഖ്ഫ് ബോര്‍ഡ് ചെയര്‍മാനും നിരവധി സ്ഥാപനങ്ങളുടെ മേധാവിയുമായിരുന്ന പാണക്കാട് സയ്യിദ് ഉമറലി ശിഹാബ് തങ്ങള്‍ സ്മാരക അവാര്‍ഡ് എന്‍.കെ പ്രേമചന്ദ്രന്‍ എം.പിക്ക് സമര്‍പ്പിച്ചു. തിരുവനന്തപുരം മസ്‌കറ്റ് ഹോട്ടലില്‍ നടന്ന ചടങ്ങില്‍ പാണക്കാട് സാദിഖലി ശിഹാബ് തങ്ങള്‍ അവാര്‍ഡ് കൈമാറി. പ്രതിപക്ഷ നേതാവ് വി.ഡി സതീശന്‍ ചടങ്ങ് ഉദ്ഘാടനം ചെയ്തു.

സമസ്ത കേരള ജംഇയ്യതുല്‍ ഉലമ ജനറല്‍ സെക്രട്ടറി പ്രൊഫ.കെ ആലിക്കുട്ടി മുസ് ലിയാര്‍ അനുസ്മരണ പ്രഭാഷണം നടത്തി. ഇ.ടി മുഹമ്മദ് ബഷീര്‍ എം.പി അനുസ്മരണ ബുള്ളറ്റിന്‍ പ്രകാശനം ചെയ്തു. അശ്‌റഫ് പാലത്തായി ഏറ്റുവാങ്ങി. അവാര്‍ഡ് ജേതാവിന് ഡോ. എം.കെ മുനീര്‍ എം.എല്‍.എ മംഗളപത്രം സമര്‍പ്പിച്ചു. പാണക്കാട് അബ്ബാസലി ശിഹാബ് തങ്ങള്‍ പൊന്നാട അണിയിച്ചു. ഹൈദരലി ശിഹാബ് തങ്ങള്‍ ഹെല്‍പ് സ്‌കീം ഫണ്ട് പ്രഖ്യാപനം ബശീറലി ശിഹാബ് തങ്ങള്‍ നിര്‍വഹിച്ചു.

ഇബ് രാഹിം ഹാജി തിരൂര്‍ ആദ്യ ഫണ്ട് കൈമാറി. ബീമാപള്ളി റശീദ് അവാര്‍ഡ് ജേതാവിനെ പരിചയപ്പെടുത്തി. ചടങ്ങില്‍ ടി.വി ഇബ്‌റാഹീം എം.എല്‍.എ, സമസ്ത മുശാവറ അംഗം ഉമര്‍ ഫൈസി മുക്കം, എം.സി മായിന്‍ഹാജി, പുത്തനഴി മൊയ്തീന്‍ ഫൈസി, അബ്ദുല്‍ ഹമീദ് ഫൈസി അമ്പലക്കടവ്, കെ. മോയിന്‍കുട്ടി മാസ്റ്റര്‍, വിഴിഞ്ഞം സഈദ് മുസ് ലിയാര്‍, ഇസ്മാഈല്‍ കുഞ്ഞ് ഹാജി മാന്നാര്‍, മുസ്തഫ മുണ്ടുപാറ, ടി.പി ചെറൂപ്പ, നവാസ് പൂനൂര്‍, നാസര്‍ ഫൈസി കൂടത്തായി, സത്താര്‍ പന്തലൂര്‍, റശീദ് ഫൈസി വെള്ളായിക്കോട്, പി.കെ ഫിറോസ്, നൗഷാദ് ബാഖവി ചിറഴിന്‍കീഴ്, ശാജഹാന്‍ ദാരിമി പനവൂര്‍, സംബന്ധിച്ചു. എന്‍.കെ പ്രേമചന്ദ്രന്‍ എം.പി മറുപടി പ്രസംഗം നടത്തി. സയ്യിദ് മുഹമ്മദ് കോയ ജമലുല്ലൈലി സ്വാഗതവും കെ. മോയിന്‍കുട്ടി മാസ്റ്റര്‍ നന്ദിയും പറഞ്ഞു.