ദുബൈ: ഏഷ്യാ കപ്പില്‍ അത്ഭുതങ്ങള്‍ സംഭവിച്ചാല്‍ മാത്രം ഇന്ത്യക്ക് സാധ്യത.അഫ്ഗാന്‍ പാകിസ്താനെ തോല്‍പ്പിക്കണം, ഇന്ത്യ അഫ്ഗാനിസ്താനെ തോല്‍പ്പിക്കണം, ശ്രീലങ്ക പാകിസ്താനെയും തോല്‍പ്പിക്കണം ഇങ്ങിനെയൊക്കെ സംഭവിച്ചാലേ ഫൈനലിലെത്താന്‍ ഇന്ത്യന്‍ ടീമിന് പറ്റൂ. മാത്രമല്ല നെറ്റ് റണ്‍റേറ്റില്‍ ഇന്ത്യ അഫ്ഗാനിസ്താനും പാകിസ്താനും മുകളിലെത്തുകയും വേണം. രണ്ട് മത്സരം തോറ്റ ഇന്ത്യ നെറ്റ് റണ്‍റേറ്റില്‍ മുന്നിലെത്താന്‍ സാധ്യത കുറവാണ്. അതുകൊണ്ട് തന്നെ ഇന്ത്യ ഫൈനല്‍ കാണില്ലെന്നാണ് വിലയിരുത്തല്‍. ഏഷ്യാകപ്പിലെ നിര്‍ണായക മത്സരത്തില്‍ ശ്രീലങ്കയോട് ആറു വിക്കറ്റിന് തോറ്റതിന് പിന്നാലെയാണ് ഇന്ത്യയുടെ ഫൈനല്‍ പ്രവേശം തുലാസിലായി. ഇന്ന് പാകിസ്താനും അഫ്ഗാനിസ്താനും തമ്മിലാണ് മത്സരം.