കൊച്ചി: ബലാത്സംഗക്കേസില്‍ ചോദ്യം ചെയ്യലിന് ഹാജരാകാന്‍ തയ്യാറെന്ന് അന്വേഷണസംഘത്തെ അറിയിച്ച് നടന്‍ സിദ്ദിഖ്. അഭിഭാഷകന്‍ മുഖേനയാണ് സിദ്ദിഖ് പ്രത്യേക അന്വേഷണ സംഘത്തെ ഇക്കാര്യം അറിയിച്ചത്. 

അടുത്തയാഴ്ച ചോദ്യം ചെയ്യലുണ്ടാകുമെന്ന് അന്വേഷണ സംഘം അറിയിച്ചു. നോട്ടിസ് നല്‍കി വിളിപ്പിച്ച ശേഷം മൊഴിയെടുക്കുമെന്നും അന്വേഷണ സംഘം വ്യക്തമാക്കി.

യുവനടിയെ ബലാത്സംഗം ചെയ്തെന്ന കേസില്‍ നടന്‍ സിദ്ദിഖിന്റെ അറസ്റ്റ് സുപ്രീം കോടതി രണ്ടാഴ്ചത്തേക്ക് തടഞ്ഞിരുന്നു. 

അതുവരെ വിചാരണക്കോടതി മുന്നോട്ടുവെക്കുന്ന ഉപാധികളുടെകൂടി അടിസ്ഥാനത്തില്‍ ഹരജിക്കാരന്റെ അറസ്റ്റ് പാടില്ലെന്നും ഉത്തരവിട്ടിരുന്നു. കേരളാ ഹൈക്കോടതി മുന്‍കൂര്‍ ജാമ്യാപേക്ഷ തള്ളിയതിനെ തുടര്‍ന്നാണ് സിദ്ദിഖ് സുപ്രിംകോടതിയെ സമീപിച്ചത്.